Acts 27:11 - De Beebaa Dabu

¹¹ Aagai tagi o de lau ne daudali i muna a de giabini o de vaga ma tangada niiona de vaga, ia tee daudali i muna a Paul gu tala ange.

Acts 27:11 Iomraidhean Croise

2 Kings 6:10

Gai de hodooligi o Israel ne hai hanu dangada, gi hulo gi mulidagi ina de mommee a taane o de Maadua gu hagakana ange ai ia. Gai ne lagolago hanonga a Elisha ne hagakana ange ai ia i mee laa, deelaa ai, de hodooligi ne dagitilo denga mommee laa.

Proverbs 27:12

Tangada maanetonu e mmuni i de masavaa aana e gidee ai de mee hagamanavasaa, gai tangada lodo senga e hagasoe donu huu, ga hagaduasala ai donu huu ia.

Ezekiel 33:4

gai be goai naa huu e langona de ili o de hanga manu, aagai ia e dee anga ange aagena, gai ia e daia ga magau i de gadilaasa; gai dono magau e dau ange donu huu gi de ia.

Acts 27:21

Gai ga daulooloa huu tee gaimee o dangada, gai a Paul ga duu age i olaadeu mada i mua, ga hai ange, “Denga daane, noo goodou ne daudali i agu muna, ga tee malanga mai i Crete, gai de vaga tee maoha donu aabe ne tili ono goloa.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

James 3:4

Goodou kalo ange diiloo dagodo o denga vaga: e dee galemu naa donu de nnui denga vaga, gai de madangi mmahi e ili saele gilaadeu i honga de moana, aagai se hoe damaa mee donu huu e baalea, gi lui ange gi de mommee o de giabini e lodo e dele aagena.

Revelation 18:17

Go hiidinga ne dahi donu huu aoaa ne oha ai de lava o de aduhale laa ga deai!” Gai giabini alodahi, ma dangada e dele i de moana, ma de gau hai moni, aama dangada alodahi e hagao mee i honga de moana e hulo naa ga tuu i de mommee mmao,