Acts 26:7 - De Beebaa Dabu

⁷ Deenei de mee a denga aamuli e dinoangahulu ma dogolua e tali laa, gai gilaadeu ne llodo mmao gi gidee e gilaadeu, gilaadeu ne hagaduu ngae ga daumaha ange gi de Maadua i de boo ma de laangi. De hodooligi go Agrippa, go hiidinga o de tali hagalodolodo nei oogu gu hagabaubau ina ai nei i daho de gau Ssuu.

Acts 26:7 Iomraidhean Croise

Ezra 6:17

Gai mee ne hai ai ssigidaumaha i de hagadabu o de hale o de Maadua, e lau kaau daane, e lualau ssiibi daane, aama e haalau ssiibi daane gauligi, gai mee ne hai ai ssigidaumaha o haisala ange gi de gau Israel alodahi, e madaangahulu ma lua guudi daane, go taelodo o denga aamuli o Israel.

Ezra 8:35

Gai dangada ne aahe mai laa i denga henua gee, ne hai hanu sigidaumaha dudu, ange gi de Maadua o Israel: e madaangahulu ma lua kaau daane i hiidinga Israel alodahi, ma e massiva ma ono ssiibi daane, aama e madahidu ma hidu ssiibi gauligi. Gai ssigidaumaha o haisala, e madaangahulu ma lua guudi daane. Mee nei alodahi ne hai ai ssigidaumaha dudu ange gi Tagi Maolunga.

Psalm 135:2

goodou e hai hegau i lo te hale o Tagi Maolunga, ma lo te buibui o de hale o taadeu Maadua.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Luke 2:25

Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

Acts 20:31

Deenei ai, goodou dagitilo, ma gi manadua bolo ne dolu ngadau aagu tee helui ai de hagakana ange goodou i de laangi ma de boo aama de dangi.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

Acts 26:2

“De hodooligi go Agrippa, au e hagadaba bolo au gu manuuia, i de duu i oo mada i mua anailaa nei e tala ai dogu heohi, ange gi mee alodahi a de gau Ssuu e hagabaubau ai au.

Acts 26:3

Go hiidinga hogi koe e donu ange gi dahulinga alodahi a de gau Ssuu, ma mee olaadeu e hagadaumee mai ai. Deenei ai, au e dangidangi adu koe gi golomagi ina oo lodo ma gi hagalaangona agu muna.

Acts 28:20

Deenei de hiidinga aagu ne aalu adu ai naa goodou e pasa gidaadeu. Gai go de tali hagalodolodo o de gau Ssuu ne hidi mai ai nei dogu noodia i denga daula baalanga.”

Philippians 3:11

gai noo e maua gai au e maua hogi gi mouli age mai i de magau.

1 Thessalonians 3:10

Gai gimaadeu e hagaduu ngae e dalodalo i de laangi ma de boo gi maua e gidaadeu i de hedae ange, gai gimaadeu ga hagadohu ai mee tigi dohu i oodou kai.

1 Timothy 5:5

De hine gu magau dono bodu gai e duasala abodonu, aagai e deai dangada e balea ange ia, dana tali hagalodolodo go de Maadua, gai ia e duudagi tangidangi ange gi de Maadua i de laangi ma de boo.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.