Acts 26:20 - De Beebaa Dabu

²⁰ Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Acts 26:20 Iomraidhean Croise

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jeremiah 18:11

Deenei ai, hai ange gi dangada o Judah ma dangada e nnoho i Jerusalem, ‘E hagadaba Tagi Maolunga: Tilo, au gu hagadabena dahi hai ngadaa e gaamai gi goodou, ma de hai dahi hagatau e hai baasi adu ai gi goodou. Gai dahi ma dahi gi hano gee mai i ana hegau baubau, ma gi suuia oodou mouli ma oodou hegau.’

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Lamentations 3:40

Gidaadeu gi dagidiiloo adaadeu hegau, ma de aahe mai gi Tagi Maolunga.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 3:8

Goodou hagaagona mai i oodou hegau bolo goodou gu daahuli abodonu oodou lodo.

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Mark 6:12

Deelaa ai, ana dangada agoago ne hulo ga agoago gi daahuli ai lodo o dangada.

Luke 1:16

Gai ia e hagaahe mai naa de gau Israel soa gi Tagi Maolunga delaadeu Maadua.

Luke 13:3

Au e hai adu gi goodou, e deai! Aagai noo goodou e dee daahuli oodou lodo, gai goodou alodahi e odi naa donu hogi i de maakau.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Luke 15:7

Au e hai adu gi goodou bolo e bei ai hogi, e kii ange de laumalie de malangilangi i de langi i de dahuli lodo o dahi dangada haisala i dangada heohi e dinosiva ma dogosiva gu lava laa i de daahuli.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 15:19

Deenei ai, au e hagadaba bolo gidaadeu e dee hai gi hai ngadaa ange gi denga Gentile gu daahuli mai laa gi de Maadua.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 26:17

Gai au e hagaola naa goe mai i daho de gau Ssuu ma mai i daho denga Gentile, aagu e kave goe gi hano gi gilaadeu,

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Acts 9:35

Gai dangada alodahi e nnoho laa i Lydda ma Sharon gu gidee dagodo o ana hegau, gai gilaadeu gu daahuli ga daudali ange i Tagi Maolunga.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

2 Corinthians 3:16

Gai de masavaa naa huu o tangada e dahuli ai ga hagadonusia Tagi Maolunga gai de mee haoli laa gu aau gee.

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Revelation 16:11

ma de pasa baubau i de Maadua o de langi i hiidinga delaadeu mmae aama hiidinga o olaadeu maanuga. Aagai gilaadeu tee daahuli donu olaadeu lodo e hulo gee i alaadeu hegau baubau.

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.

Revelation 2:5

Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.