Acts 26:19 - De Beebaa Dabu

¹⁹ “Deenei ai, de hodooligi go Agrippa, au tee hagangadi mee donu de midi hagaago ange mai i de langi.

Acts 26:19 Iomraidhean Croise

Isaiah 50:5

De Ia Aamua go Iahweh gu hhuge luoogu dalinga, gai au tee hagamanege, aabe ne huli gee i de ia.

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Jeremiah 20:9

Aagai noo au e hagadaba, “Au e dee tala naa donu ono dagodo aabe e ahe ange e basa i dono ingoo,” gai ana muna i ogu lodo e bei de ahi ula, se ahi e pono ange i lodo ogu ivi; au gu dalea mmao i de daohi, ni muna abodonu, au gu dee maua i de daohi.

Ezekiel 12:7

Gai au ne hai ga bei mee alodahi gu lava i de tala mai gi de au. Au ne dada mai dogu sabiningaa mee i de laangi, bei sabiningaa mee o dangada e gaavee laa gi dahi henua gee. Gai de ahiahi gai au ne geli dahi haonga i lo te buibui o de aduhale i luoogu lima, ga kave ogu goloa ga sao ai ga hano, ma de hagauda ogu goloa i honga luoogu eu ga hano ai i madamada olaadeu alodahi.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 26:2

“De hodooligi go Agrippa, au e hagadaba bolo au gu manuuia, i de duu i oo mada i mua anailaa nei e tala ai dogu heohi, ange gi mee alodahi a de gau Ssuu e hagabaubau ai au.

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Galatians 1:16

ne malangilangi ai i de hagaago mai dana Dama Daane gi de au, gi maua ai e au i de agoago ange ia gi denga Gentile, gai au tee hano donu e kave de bale mai i daho dahi dangada daudahi.