Acts 26:18 - De Beebaa Dabu

¹⁸ gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 26:18 Iomraidhean Croise

Psalm 119:18

Koe gi huugea luoogu ganomada, gi donu ange ai au gi mee hagalele mouli i lodo au hainga.

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Isaiah 32:3

Gai ganomada o dangada e gidee laa gu dee pono donu, dalinga o dangada e langona laa e hagallongo naa donu.

Isaiah 35:5

De masavaa laa gai de gau dee kide e gidee naa, gai de gau longoduli gu langona.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

Matthew 4:16

dangada e nnoho i lo te gohu gu gidee e gilaadeu dahi maalama laumalie; gilaadeu e nnoho i de henua o de malu o de magau, de maalama gu hagasula ange gi gilaadeu.”

Luke 1:77

ma de hai gi iloo e ono dangada dagodo o de hagaola, i hiidinga dono degi ange gi olaadeu haisala,

Luke 1:79

e hagamaalama ai gilaadeu e nnoho i lo te gohu aama lalo de malu o de magau, e dagi ange ai gidaadeu gi de haiava o de baba.”

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Luke 24:45

Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

John 17:17

Vaea gee gilaadeu i de muna abodonu; au muna go de muna abodonu.

John 3:19

Gai deenei de mee gu modu: de maalama ne humai gi henua i lalo, aagai dangada e kii de gohu i delaadeu llodo ai i de maalama, i hiidinga alaadeu hegau e baubau.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

John 9:39

Iesu ne hai ange gi de ia, “Au se humai gi henua i lalo e hagamodu ai muna; gai gi gidee ai gilaadeu e dee kide, gai gilaadeu e gidee gi dee kide.”

John 9:5

Dogu masavaa e noho ai i henua i lalo, gai go au donu de maalama o henua i lalo.”

Acts 10:43

Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

Acts 26:23

Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.”

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Romans 8:17

Gai noo gidaadeu gu ni dama donu, aagai gidaadeu gu dau i de boolonga o de Maadua madali Klisdo; noo gidaadeu e kave de hagaduasala madali Klisdo, gai gidaadeu e kave donu hogi de mahamaha madali ia.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

2 Corinthians 6:14

Goodou aude hagabuni ange gi gilaadeu e dee hagadonusia. Gai e maua i de hai gi buni de heohi ma de baubau, be go de maalama ma de gohu?

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Galatians 3:14

gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Ephesians 1:14

go de ia e hagadonu ai taadeu boolonga ga dae ai gi taadeu kave de mee gu bolo mai laa gi gidaadeu, gai gidaadeu ga tuhi ai dono mahamaha.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;

Ephesians 5:11

Goodou aude haia hegau o lo te gohu e deai laa haigamaiana, aagai goodou gaamai mee nei gi de maalama.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Ephesians 6:12

Go hiidinga gidaadeu e dee hebagi ange gi dangada, aagai e hebagi ange gi denga hagasaalunga ni dagi laa, ma hagasaalunga iai ssauaa, ma denga hagasaalunga mmahi e dagina laa henua i lalo gohu nei, aama hagasaalunga baubau i lo te langi i lunga.

2 Timothy 2:26

gai gi ola mai ai gilaadeu i ssele a de ia hagabaubau, go de ia gu noonoodia gilaadeu, gai gilaadeu ga hai ai ono lodo.

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

Hebrews 10:14

Gai ne dahi donu huu ana sigidaumaha ne hai ga hagaheohi ai ga hano ai, gilaadeu ne hai laa ga dabu.

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

1 Peter 1:4

gai gidaadeu ga tali ai e kave de boolonga e dee maua laa gi lilo, gai e dee maua gi bobo aabe e mmae, gai gu hagadabena adu gi goodou i de langi,

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

1 John 2:12

Denga dama, au e sisi adu mee nei gi goodou, i hiidinga de Maadua gu degi adu gi oodou haisala i hiidinga de ingoo o Iesu.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

1 John 5:19

Gidaadeu e iloo bolo gidaadeu ni dama donu nii de Maadua, aagai henua i lalo alodahi e dagodo i lalo ssauaa o de ia hagabaubau.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.