Acts 25:8 - De Beebaa Dabu

⁸ Gai a Paul ne tala ange dono heohi, ga hai ange, “Au tigi haisala ange donu gi de hainga a de gau Ssuu, be go de temple, aabe gu hai baasi ange gi Caesar.”

Acts 25:8 Iomraidhean Croise

Genesis 40:15

Go hiidinga dangada ne hai gi de mahi au ga kave gee au mai i de henua o de gau Hebrew, gai tigi ai hogi agu mee ne hai i kinei e heohi ai dogu noho i lo te hale pono.”

Jeremiah 37:18

Jeremiah ne ssili ange hogi gi de hodooligi go Zedekiah, “Se haisala aha aagu gu hai adu gi de goe ma oo dangada hai hegau, aama de huaadangada nei, gai koe ga hhao ai nei au gi lo te hale pono?

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Acts 24:12

Gai de gau nei tee gidee bolo au ne hagadaumee ange gi dahi dangada i de temple, be ne hai ga hellumi dangada soa i lodo synagogue, aabe go hanu mommee i lo te aduhale.

Acts 24:14

Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi,

Acts 24:6

Ia ne hagatale donu hogi de hai gi dee dabu de temple, deelaa ai, gimaadeu ne poo ia. [Gimaadeu ne hagatale de hagamodu ono muna i amaadeu hainga.

Acts 25:10

Aagai a Paul ne hai ange, “Au gu duu donu i de mommee hagamodu muna o Caesar iainei, go de mommee e heohi de hagamodu ai ogu muna. Gai au tigi hai ange donu dahi baubau daudahi gi de gau Ssuu, bei dau hai e iloo ai naa.

Acts 28:17

Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome.

Acts 28:21

Gai denga daane laa ne hai ange gi de ia, “Gimaadeu tigi gidee donu dahi leda mai i Judea, e tala mai ai oo dagodo. Gai tigi ai hogi odaadeu daina ne loomai i kilaa e tala mai hanu longo moou, aabe ne hagabaubau ina goe.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.