Acts 25:12 - De Beebaa Dabu

¹² Aagai Festus ne madaangudu ange gi dono hagabuulinga hagasaele, gai ia ga hai ange gi a Paul, “Koe gu dangidangi bolo koe e hagamodu oo muna i mada i mua o Caesar; deelaa ai, koe e hano donu gi mada i mua o Caesar.”

Acts 25:12 Iomraidhean Croise

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Matthew 22:17

Deenei ai, daalaa mai dau maanadu. E alaange de hagao ange taagisese gi Caesar be deai?”

Acts 19:21

Dua mee nei, gai Paul ne maanadu de hano laa Macedonia ma Achaia e hano ai gi Jerusalem. Ia ne hagadaba hogi, “Dua dogu hano gi kilaa, gai au e hano hogi gi dae gi Rome.”

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Acts 25:11

Gai noo au se dangada e haia de baubau, ma de hai dahi mee e heohi ai dogu daa gi magau, aagai au e dee ssala donu gi ola mai au i de magau. Aagai noo e dee se mee abodonu alaadeu e hagabaubau ai nei au, gai e deai donu se dangada e maua i de gaavange au gi gilaadeu. Au e dangidangi i de hagamodu ogu muna i mada i mua o Caesar.”

Acts 25:13

Dua hanu laangi, gai de hodooligi go Agrippa ma Bernice gu loomai gi Caesarea e hedae ange ai gi Festus.

Acts 25:21

Aagai de masavaa huu a Paul ne dangidangi ai bolo ia e hano e hagamodu ono muna i mada i mua o Caesar, gai au ga hagadaba bolo gi daohia donu huu ia ga dae ai gi dagu mau i de kave ia gi Caesar.”

Acts 26:32

Gai Agrippa ga hai ange gi Festus, “Taane nei ne maua donu gi ola, noo ia tee dangidangi i de hagamodu ono muna i mada i mua o Caesar.”

Acts 27:1

Gai de masavaa huu ne modu ai bolo gimaadeu ga maalanga e hulo gi Italy, gai gilaadeu ga dugu ange a Paul ma hanu dangada gu noonoodia laa gi Julius, ia se dagi niio de lau, mai i de hagabuulinga hebagi o Caesar.

Acts 28:16

Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.