Acts 24:8 - De Beebaa Dabu

⁸ ga hai mai gi gimaadeu e hagabaubau ina ia, gi loomai gi oo daha.] Mee nei alodahi e odi naa donu i dau iloo, i dau masavaa e ssili gi iloo de muna abodonu, i mee alodahi amaadeu e hagabaubau ai ia.”

Acts 24:8 Iomraidhean Croise

Luke 23:14

ga hai ange gi gilaadeu, “Goodou ne gaamai taane nei gi de au bolo se daane e haia dangada gi hai baasi mai. Gai au gu ssili ono dagodo i oodou mada i mua, gai tilo, au tee gidee dahi mee daudahi o taane nei e haisala ai i oodou mee e hagabaubau ai ia.

Acts 23:30

Aagai de masavaa huu aagu ne iloo ai bolo hanu daane Ssuu gu nnoho e daa taane naa gi magau, gai au ga hai ia gi hanadu gi oo daha. Au gu hai ange hogi gi gilaadeu ne hagabaubau ina laa ia gi loadu gi daalaa adu gi de goe mee alaadeu e hagabaubau ai ia.”

Acts 23:35

gai ia ga hai ange, “Au e hagallongo naa dagodo mee oou gu hagabaubau ina ai, i de masavaa e tae mai ai gilaadeu ne hagabaubau ina goe.” Gai ia ga hagadaba bolo gi gaavee a Paul gi lo te Praetorium o Herod gi hagaloosia ange ai.

Acts 24:7

Aagai tagi o denga daane hebagi go Lysias ne humai ga hai gi de mahi ia, ga kave gee mai i omaadeu daha,

Acts 24:9

Gai de gau Ssuu alodahi ne buni ange hogi gi ana muna, ga hagataba bolo muna alodahi a taane laa ne tala ni muna abodonu.

Acts 25:5

Gai ia ne hai ange, “Hanu oodou dangada maolunga gi loomai madali au e hulo gi kilaa, gai gilaadeu ga hagabaubau ai taane nei i kilaa, noo e hanu mee baubau a taane nei gu hai.”