Acts 24:5 - De Beebaa Dabu

⁵ Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

Acts 24:5 Iomraidhean Croise

Esther 3:8

Gai Haman ne hai ange gi de hodooligi go Ahasuerus, “E dahi hagabuulingaa dangada e nnoho i denga vaaenga o doo nohoanga hodooligi; alaadeu hainga e dagodo gee ma hainga a dangada ange laa, gai gilaadeu e dee daudali i hainga a de hodooligi; e deai haigamaiana de golomagi ange lodo o de hodooligi gi gilaadeu.

Jeremiah 37:13

Gai de masavaa o Jeremiah ne dae ai gi de Haitoga o Benjamin, gai e dahi dagi o de gau hagaloosi i kilaa, dono ingoo go Irijah, tama daane a Shelemiah, tama daane a Hananiah, ga poo de pelaabisi go Jeremiah, ga hai ange, “Koe se sao donu e hano e dau ange gi de gau Babylon!”

Jeremiah 38:4

Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Matthew 10:25

Gai tangada e agoago i daho dahi gi malangilangi noo ia gu bei dagodo o dono dangada agoago, gai tangada hai hegau gi malangilangi noo ia gu bei dagodo o dono dangada aamua. Noo dangada e hagahi ange Beelzebul gi tangada aamua o de hale, gai e kii ange naa donu de baubau mee alaadeu e hagahi ange gi dangada i dono hale.

Matthew 2:23

i de aduhale go Nazareth. Gai mee nei ne hai e hagassula ai muna gu tala laa i daho denga pelaabisi, e hai ange, “Ia e hagabinga naa bolo se dangada Nazareth.”

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Luke 23:19

(Barabbas se daane ne hhao gi lo te hale pono i hiidinga ia ne hai ga hellumi dangada i de aduhale, aama de daa ga maakau hanu dangada.)

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Luke 23:25

gai gi hagasao ina mai delaadeu dangada e llodo ai, go taane gu hhao laa gi lo te hale pono, i hiidinga dana hai gi hellumi aama dana daa dangada ga maakau, deenei taane alaadeu ne dangidangi ange ai; gai Pilate ga gaavange Iesu gi gilaadeu bei delaadeu hai e llodo ai.

Luke 23:5

Aagai gilaadeu ga usuusu ange ia, ga hai ange, “Ia e hai gi hagahellumi dangada i Judea alodahi i ana agoago. Ia ne daamada de hai mee nei i Galilee, gai ia gu humai hogi gi kinei.”

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”

Acts 22:22

Gai dangada ne hagallongo ana muna ga dae ai gi dana tala de mee nei. Aagai gilaadeu ga hevaalogi ga hagataba, “Daia gi magau taane naa! E dee danuaa donu dono mouli!”

Acts 24:14

Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi,

Acts 24:4

Aagai au e dee lodo e hakoso goe i dahi masavaa daulooloa, gai au e dangidangi adu koe gi dee haihaia hagalaangona amaadeu muna.

Acts 25:7

Gai de masavaa o Paul ne humai ai, gai de gau Ssuu ne loomai laa i Jerusalem ne tuu i luoono baasi. Gai gilaadeu ga hagabaubau ai ia i hanu mee lagolago, aagai tee maua e gilaadeu i de hai gi too donu alaadeu muna.

Acts 26:5

Gai gu daulooloa donu delaadeu iloo, gai e maua donu e gilaadeu de tala hagadonu adu ogu dagodo, bolo au se Pharisee e dau ange gi de hagabuulinga e kona laa alaadeu hainga ange gi amaadeu hai daumaha.

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”

Acts 5:17

Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa,

Acts 6:13

Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses;

1 Corinthians 11:19

Gai e hanu donu hogi dee heloongoi i oodou magavaa; mee nei se hai gi maua ai gi iloo abodonu gilaadeu e hai hegau i de muna abodonu.

1 Corinthians 4:13

de masavaa omaadeu e hagabaubau ina ai, gai gimaadeu e dangidangi i de lodo maolalo. Gimaadeu gu bei dagodo o mee e kino ai dangada, gai gu bei dagodo o denga gainga i henua i lalo, ga dae mai ai gi de masavaa nei.

1 Peter 2:19

Gai se manuuia donu niio tangada, noo ia e golomagi ono lodo i dono hagaduasala ina, gai tigi haisala donu, i hiidinga ia e maanadu lodo o de Maadua.