Acts 24:23 - De Beebaa Dabu

²³ Gai Felix ne hai tagi o de lau gi gaavee a Paul gi hagaloosia ange, gai gi dugua ia gi ilaage, ma de dugu ange ono soa gi balea ange ia i mee oona e duasala ai.

Acts 24:23 Iomraidhean Croise

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Jeremiah 39:11

Gai Nebuchadnezzar, de hodooligi o Babylon, ne tala ange gi Nebuzaradan tagi o de gau hagaloosi dana hai e hai ai Jeremiah, ga hai ange,

Acts 23:16

Aagai tama daane a taina hahine o Paul ne langona e ia delaadeu hagatau, gai ia ga hano ga ulu gi lo te mommee o denga daane hebagi ga tala ange gi a Paul.

Acts 23:35

gai ia ga hai ange, “Au e hagallongo naa dagodo mee oou gu hagabaubau ina ai, i de masavaa e tae mai ai gilaadeu ne hagabaubau ina goe.” Gai ia ga hagadaba bolo gi gaavee a Paul gi lo te Praetorium o Herod gi hagaloosia ange ai.

Acts 24:26

Gai Felix ne tali hagalodolodo bolo a Paul e hagao ange naa ia hanu sseene hagasenga. Deelaa ai, tee modu donu dana aalu a Paul gi humai e madaangudu gilaau.

Acts 25:4

Gai Festus ga hai ange gi gilaadeu, “A Paul e noho donu huu i lo te hale pono i Caesarea, gai au gu dai ahe naa donu gi Jerusalem.”

Acts 27:3

De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia.

Acts 28:16

Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.