Acts 24:16 - De Beebaa Dabu

¹⁶ Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

Acts 24:16 Iomraidhean Croise

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Romans 2:15

Gai gilaadeu e hagaago mai bolo de hainga gu sisi donu i olaadeu lodo, gai tagi o olaadeu lodo e tala hagadonu hogi mee nei, gai alaadeu maanadu e hagabaubau aabe e hagaheohi gilaadeu,)

Romans 9:1

Au e tala adu gi goodou de muna abodonu i lodo o Klisdo, au e dee hadu muna donu; gai tagi o ogu lodo go dogu ia tala hagadonu i ssauaa o de Hagasaalunga Dabu,

1 Corinthians 10:32

Goodou gi dee hagadaemaha ina lodo o de gau Ssuu, be go de gau Greek, aabe go de nohoanga dabu o de Maadua,

1 Corinthians 4:4

Tagi i ogu lodo e dee hagabaubau au, aagai au e dee hagadaba bolo au e dee haisala. Gai go Tagi Maolunga e hagamodu ina ogu dagodo.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

1 Timothy 1:19

aama de daohi de gai ma tagi o de lodo e dee haisala laa. Hanu gu tili mee nei, gai olaadeu kai gu maoha bei dagodo o de vaga gu maoha laa.

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 Timothy 3:9

Gilaadeu gi daohia dagodo o de gai nogo dee iloo laa i tagi o de lodo e gilimalali.

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.

Titus 1:15

Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Hebrews 13:18

Goodou dalodalo i omaadeu hiidinga. Gimaadeu e iloo bolo tagi i omaadeu lodo e gilimalali, ma de llodo e hai de mee heohi i mee alodahi.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

1 Peter 2:19

Gai se manuuia donu niio tangada, noo ia e golomagi ono lodo i dono hagaduasala ina, gai tigi haisala donu, i hiidinga ia e maanadu lodo o de Maadua.

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,