Acts 23:9 - De Beebaa Dabu

⁹ Gai gu kona de hagalongaa o dangada; gai hanu dangada sisi o denga Pharisee ne tuu age ga hai baasi, ga hai ange, “Gimaadeu tee gidee donu dahi baubau i daho taane nei! Kana adu dahi hagasaalunga be se dangada de langi gu basa ange donu gi de ia.”

Acts 23:9 Iomraidhean Croise

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Jeremiah 26:16

Gai dagi o de henua ma dangada alodahi ne hai ange, gi de gau haimeedabu ma denga pelaabisi, “E dee heohi de daa gi magau taane nei, go hiidinga ia ne basa mai gi gidaadeu i de ingoo o Tagi Maolunga taadeu Maadua.”

Mark 2:16

Gai ga gidee huu e de gau sisi ma denga Pharisee, bolo Iesu e gaimee madali dangada e hagabudulia taagisese ma de gau haisala, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali dangada e hagabudulia taagisese aama de gau baubau?”

Luke 23:22

Aagai Pilate ga ssili ange gi gilaadeu i tolu hanonga, “Gai se baubau aha donu a taane nei gu hai? Au tee gidee dahi mee daudahi e heohi ai dono daa gi magau! Deenei ai, au ga hagaduasala nei ia i mua dagu dugu ia gi hano.”

Luke 23:4

Gai Pilate ga hai ange gi de gau haimeedabu maolunga ma dangada soa, “Au e dee gidee dahi mee daudahi e hagabuu ange ai ssala gi taane nei.”

Luke 5:30

Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”

John 12:29

Gai dangada soa e tuu laa i kilaa ma de langona de leo laa ne maanadu bolo se hatuli, gai hanu ne hagataba, “Dahi dangada de langi gu basa ange gi de ia.”

Acts 11:17

Noo de Maadua gu gaavange hogi gi gilaadeu de mee ngadi gaavange gu gaamai laa gi gidaadeu, i de masavaa adaadeu ne hagadonu ai Tagi Maolunga go Iesu Klisdo, gai go au goai, gai au ga hai baasi ange ai gi de Maadua?”

Acts 22:6

“Gai de masavaa oogu ne hano ai ga baa ange gi Damascus i daha de hualaangi, aagai dahi maalama gu hano iho i de langi ga hagamaalama de mommee oogu iai laa.

Acts 22:7

Gai au gu doo gi honga de gelegele, aagai au gu langona dahi leo e hai mai gi de au, ‘Saul, Saul, gu aha gu vaivai hai ai naa goe au?’

Acts 23:29

Gai au gu iloo bolo ia ne hagabaubau ina donu huu i hanu alaadeu hainga, aagai alaadeu mee e hagabaubau ai ia ni mee donu e dee heohi ai dono magau, aabe go dono hhao gi lo te hale pono.

Acts 23:8

Go hiidinga denga Sadducee e hagataba bolo e deai donu se mouli age, gai e deai hogi dangada de langi aabe ni hagasaalunga; gai denga Pharisee e tala bolo e hai donu mee nei.

Acts 25:25

Aagai au tee gidee dahi mee daudahi e heohi ai dono daa gi magau. Gai go hiidinga ia gu hagadaba bolo e hagamodu ono muna i mada i mua o Caesar, gai au gu hagatau e kave ia gi dae gi Rome.

Acts 26:31

gai de masavaa huu olaadeu ne hulo gee ai i kilaa, gai gilaadeu ga pasa i olaadeu magavaa, ga hagataba, “Taane nei tigi hai donu dahi mee daudahi e heohi ai dono daa gi magau, aabe go dono tili ange gi lo te hale pono.”

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Acts 5:39

Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!” Gai de hagabuulinga hagasaele ne daudali i muna a Gamaliel.

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

1 Corinthians 10:22

E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?

1 Samuel 12:5

Gai ia ne hai ange gi gilaadeu, “Go Tagi Maolunga ma de hodooligi aana gu hagadabu anailaa nei e hagadonu ai, bolo teai donu se mee daudahi oogu ne haisala adu ai gi goodou.” Gai gilaadeu ga hai ange, “Go Tagi Maolunga donu e hagadonu ai mee nei.”

1 Samuel 24:17

Gai ia ga hai ange gi David, “Koe e danuaa ange i de au; go hiidinga koe ne hai mai tanuaa gi de au, aagai au ne hai adu de baubau gi de goe.