Acts 23:6 - De Beebaa Dabu

⁶ Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

Acts 23:6 Iomraidhean Croise

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Matthew 22:23

De laangi mau gai hanu Sadducee ne loomai gi ono daho, aanei gilaadeu e hagataba laa bolo e deai donu se mouli age. Gai gilaadeu ne ssili ange gi de ia,

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Acts 22:30

Gai tagi o denga daane hebagi ne lodo gi iloo e ia hiidinga a de gau Ssuu ne hagabaubau ai laa a Paul. Deelaa ai, de laangi i ono dua, gai ia ga tala a Paul ga hagasao mai, ma de aalu ga hagabuni mai de gau haimeedabu maolunga aama de hagabuulinga hagasaele alodahi. Gai ia ga gaamai a Paul ga hagaduu i olaadeu mada i mua.

Acts 22:5

Gai tangada haimeedabu maolunga ma de hagabuulinga hagasaele e maua donu i de hagadonu agu muna, go hiidinga gilaadeu ne gaamai hanu leda au gi gaavee gi olaadeu soa i Damascus. Aagai au ne hano gi kilaa e noonooa ai dangada e nnoho i kilaa e gaamai gi Jerusalem e hagaduasala ai gilaadeu.

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Acts 23:15

Deenei ai, goodou ma de hagabuulinga hagasaele gi dangidangi ange gi tagi o de hebagi gi gaamai a Paul gi oodou daha, e dagodo be goodou e llodo ssili e hagadonu ono dagodo. Gai gimaadeu ga hagadabena e daa ia gi magau i mua dono dae mai gi kinei.”

Acts 23:20

Tama daane laa ne hai ange gi de ia, “De gau Ssuu gu buni bolo e dangidangi adu, koe gi gaavee a Paul gi daho de hagabuulinga hagasaele daiao, e dagodo be gilaadeu e llodo e ssili e hagadonu ono dagodo.

Acts 23:7

Gai de masavaa aana e tala ai muna nei, gai denga Pharisee ma denga Sadducee gu dee heloongoi, gai de hagabuulingaa dangada laa gu dee buni hogi.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

Acts 24:21

aagai de mee donu huu oogu ne hagabaubau ai, go dogu duu ga hagaleo laumalie i olaadeu magavaa ga hai ange, ‘Go hiidinga o de mouli age oodou gu hagamodu ai nei ogu muna.’ ”

Acts 28:20

Deenei de hiidinga aagu ne aalu adu ai naa goodou e pasa gidaadeu. Gai go de tali hagalodolodo o de gau Ssuu ne hidi mai ai nei dogu noodia i denga daula baalanga.”

Philippians 3:5

au ne tuu dagaholiage i de hagavalu laangi i dua dogu haanau; au se dangada donu Israel, mai i de aamuli o Benjamin, gai ne haanau mai se dangada Hebrew, gai dagodo o de daohi de hainga, au se Pharisee;

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,