Acts 23:19 - De Beebaa Dabu

¹⁹ Gai tagi o de hebagi ga poo de lima o tama daane laa ga dagi ia gi dahi mommee gee, ga ssili ange gi de ia, “Aahee au muna e lodo e tala mai gi de au?”

Acts 23:19 Iomraidhean Croise

Nehemiah 2:4

Gai de hodooligi ne ssili mai gi de au, “Se aha aau e lodo e dangidangi mai ai gi de au?” Gai au ga dalodalo ange gi de Maadua o de langi.

Esther 5:3

Gai de hodooligi ga hai ange, “De hine hodooligi go Esther, se aha oou e lodo e dangidangi ai? Gai e gaavadu donu gi de goe, ga dae ai loo gi dahi luu baasi o dogu nohoanga hodooligi.”

Esther 7:2

Gai de hodooligi ga hai ange hogi gi Esther, i de masavaa olaadeu e unu ai uvaini i de hagalua laangi, “De hine hodooligi go Esther, se aha oou e lodo e dangidangi mai ai? Be se aha naa huu oou e dangidangi ai, gai e hai donu gi bei, ga dae ai loo gi dahi luu baasi o dogu nohoanga hodooligi.”

Esther 9:12

Gai de hodooligi ga hai ange gi de hine hodooligi go Esther, “De gau Ssuu gu daa ma gu maakau e limalau daane aama denga dama daane e dinoangahulu a Haman i de madaaolo go Susa. Gai ni aha alaadeu gu hai i denga vaaenga o de hodooligi ange laa? Gai se aha ange aau e lodo ai? Gai e gaavadu donu gi de goe. Gai se aha ange naa huu oou e dangidangi mai ai? Gai e hai donu hogi gi bei.”

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Mark 10:51

Gai Iesu ga ssili ange gi de ia, “Se aha aau e lodo au gi haia adu maau?” Taane laa ne hai ange, “Tangada Agoago, au e lodo gi gide au.”

Mark 8:23

Gai ia ga poo de lima o taane dee gide laa ga dagi ia gi tua de aduhale. Gai ia ga saavale ange gi luoono mada ma de dugu ange dono lima gi ono elunga, ga ssili ange gi de ia, “Gu hanu naa au mee ne gidee?”

Mark 9:27

Aagai Iesu ga poo dono lima ga hagahidi age ia, gai ia gu hidi ga duu gi lunga.

John 18:12

Gai de hagabuulinga hebagi laa ma olaadeu dagi aama dagi o de gau Ssuu ne poo Iesu ga nnoa,

Acts 17:19

Gai gilaadeu ga poo ia ga kave gi de mommee hagabuni o de hagabuulinga hagasaele, go de Areopagus, ga hai ange, “Gimaadeu e llodo gi iloo e gimaadeu dagodo o denga mee hoou oou e agoago ai naa.

Acts 23:18

Gai taane laa ga kave tama daane laa gi tagi o de hebagi, ga hai ange, “Paul, taane i lo te hale pono, ne hagahi mai au ga dangidangi mai au gi gaamai tama daane nei gi oo daha. E hanu ana muna e tala adu gi de goe.”

Acts 23:20

Tama daane laa ne hai ange gi de ia, “De gau Ssuu gu buni bolo e dangidangi adu, koe gi gaavee a Paul gi daho de hagabuulinga hagasaele daiao, e dagodo be gilaadeu e llodo e ssili e hagadonu ono dagodo.