Acts 23:11 - De Beebaa Dabu

¹¹ De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Acts 23:11 Iomraidhean Croise

Psalm 109:31

Ia e duu i de madau e bale ange ai tangada hagaaloha, e hagamouli ia mai i gilaadeu gu gaavange ia e daa gi magau.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Matthew 14:27

De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Luke 16:28

gi daho ogu daina daane dogolima, gi daalaa ange ai gi gilaadeu dagodo o de mommee nei, gi dee loomai ai gilaadeu gi de mommee hagammae nei.’

John 14:18

Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Acts 18:9

Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

Acts 19:21

Dua mee nei, gai Paul ne maanadu de hano laa Macedonia ma Achaia e hano ai gi Jerusalem. Ia ne hagadaba hogi, “Dua dogu hano gi kilaa, gai au e hano hogi gi dae gi Rome.”

Acts 2:25

David ne tala dagodo o Tagi Maolunga, ga hagadaba, ‘Au ne gidee Tagi Maolunga i ogu mada i mua i masavaa alodahi. Go hiidinga ia e noho i dogu baasi madau, au e dee maua naa donu gi ngalungalue.

Acts 20:22

Gai iainei de Hagasaalunga ⌊Dabu⌋ e usuusu mai au gi hano gi Jerusalem. Gai au e dee iloo be ni aha e hai mai gi de au i kilaa.

Acts 22:15

Gai koe e hai naa ga se dangada tala hagadonu niiona, gai koe ga tala ange ai gi dangada alodahi mee aau gu gide ma de langona.

Acts 22:18

gai au ne gidee Tagi Maolunga e hai mai gi de au, ‘Hagamoolau hano gee i Jerusalem, go hiidinga dangada i kinei e dee hagadonu naa donu au muna e tala hagadonu ange ai au.’

1 Corinthians 9:1

E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga?

Philippians 1:13

Gai mee nei gu dele hogi i daho denga daane hagaloosi alodahi i de Praetorium, ma dangada ange laa alodahi, gilaadeu gu iloo bolo au gu noho i lo te hale pono i hiidinga o Klisdo.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.