Acts 22:7 - De Beebaa Dabu

⁷ Gai au gu doo gi honga de gelegele, aagai au gu langona dahi leo e hai mai gi de au, ‘Saul, Saul, gu aha gu vaivai hai ai naa goe au?’

Acts 22:7 Iomraidhean Croise

Genesis 16:8

Gai ia ga hai ange, “Hagar, de hine hai hegau o Sarai, go hee oou ne humai ai naa? Gai go hee oou e hano naa aagena?” Gai Hagar ga hai ange, “Au ne savini ga hano gee mai i daho dogu hahine aamua go Sarai.”

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

Genesis 22:11

Aagai tangada de langi o Tagi Maolunga ga hagahi mai ia i de langi, ga hai ange, “Abraham! Abraham!” Gai ia ga hai ange, “Deenei au.”

Genesis 3:9

Gai Tagi Maolunga go de Maadua ga hagahi taane ga ssili ange gi de ia, “I hee iai goe?”

Exodus 3:4

Gai ga gidee huu e Tagi Maolunga bolo Moses gu humai e hagabaa ange e tilo de manu laa, gai de Maadua ga hagahi mai ia i lo te manu somo laa, ga hai ange, “Moses! Moses!” Gai Moses ga hai ange, “Deenei au.”

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Jeremiah 2:9

Deenei ai, au e hagabuu adu naa ssala gi goodou, go Tagi Maolunga e hagadaba. Au e hagabuu ange naa ssala gi dama a oodou dama.

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Matthew 27:23

Gai Pilate ne ssili ange, “Gai se baubau aha aana gu hai?” Aagai dangada ne kii ange de hevaalogi, ga hai ange, “Daudau ina ia i de laagau lui!”

Acts 22:6

“Gai de masavaa oogu ne hano ai ga baa ange gi Damascus i daha de hualaangi, aagai dahi maalama gu hano iho i de langi ga hagamaalama de mommee oogu iai laa.

Acts 22:8

Aagai au ne ssili ange, ‘Tagi Maolunga, go koe goai?’ Ia ne hai mai gi de au, ‘Go au donu go Iesu o Nazareth aau e vaivai hai naa.’

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

1 Samuel 3:10

Gai Tagi Maolunga ne humai ga duu i kilaa, ga hagahi “Samuel, Samuel!” bei denga hanonga i mua. Gai Samuel ga hai ange, “Daalaa mai au muna, gai doo dangada hai hegau ga hagallongo.”