Acts 21:3 - De Beebaa Dabu

³ Gai dua demaadeu gidee Cyprus, gai gimaadeu ne dele laa ono baasi ngaage ga hulo ai gi Syria. Gai gimaadeu ne tau i Tyre, ga dugu age ai denga goloa o de vaga.

Acts 21:3 Iomraidhean Croise

2 Samuel 8:6

Gai ia ne dugu hanu daane hebagi i Syria o Damascus, gai de gau Syria gu hai hegau ange gi de ia, ma de hagao ange taagisese gi de ia. Gai Tagi Maolunga ne hai gi kii David i mommee alodahi oona ne hano aagena.

Psalm 45:12

Dangada o Tyre e gaamai naa gi de goe denga mee ngadi gaavange; de gau lava e hagatale naa de hai goe gi malangilangi i gilaadeu.

Psalm 87:4

Au e dau Rahab ma Babylon madali gilaadeu e iloo au; ma Philistia ma Tyre, aama Ethiopia; ma de hagadaba, “Ia e dau bolo ne haanau i Zion.”

Isaiah 7:2

De masavaa huu o de longo ne dae ai gi de aamuli o David, ga hai ange, “Syria gu hagabuni ange gi Ephraim,” gai Ahaz ma ono dangada alodahi gu maatagu mmao ma de bolebole, gilaadeu gu bei denga manu ssomo i lodo henua e ilihia saele laa i de madangi.

Matthew 11:21

“E vakaa naa goe, Korazin! E vakaa naa goe, Bethsaida! Go hiidinga noo denga mee hagalele mouli ne hai i ooluu daha ne hai i Tyre ma Sidon, gai dangada i kilaa ne daahuli olaadeu lodo madagidagi, ga kahu i malo daladala ma de hulu i lehu.

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Luke 10:13

“E vakaa naa goe, Korazin! E vakaa naa goe, Bethsaida! Go hiidinga noo denga hegau hagalele mouli ne hai i ooluu daha ne hai i Tyre ma Sidon, gai dangada ne daahuli olaadeu lodo madagidagi ga kahu i malo daladala ma de hulu i lehu!

Luke 2:2

Deenei tahi hanonga ne sisi ai ingoo o dangada, go de masavaa o Quirinius e goobenaa ai i Syria.

Acts 11:19

Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Acts 12:20

De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.

Acts 13:4

Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus.

Acts 15:23

ma de sisi dahi leda ga hai ange: “Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.

Acts 15:39

Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus,

Acts 15:41

Gai a Paul ne hagadaga i Syria ma Cilicia ga hagammahi ange ai denga nohoanga dabu i kilaa.

Acts 18:18

Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.

Acts 21:16

Gai hanu dangada agoago mai i Caesarea ne loomai madali gimaadeu gi de hale o Mnason, go de mommee omaadeu ne nnoho ai. Mnason se daina mai i Cyprus ne hagadonusia i taamada age.

Acts 21:2

Gai gimaadeu ne gidee dahi vaga gu dai malanga e hano gi Phoenicia, gai gimaadeu ga kage ga hulo ai.

Acts 21:7

Gai demaadeu hanonga mai i Tyre ne ngado mai i Ptolemais, gai gimaadeu ne too age ga hagaboo ange gi denga daina i kilaa, ga nnoho ai i olaadeu daha i e dahi laangi.

Acts 27:4

Gai gimaadeu ne malanga hogi ga hulo gee mai i kilaa, gai gimaadeu ne dele laa gaogao Cyprus i de mommee luungagi, go hiidinga de madangi gu humai i madaa moni.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.