Acts 21:27 - De Beebaa Dabu

²⁷ Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul,

Acts 21:27 Iomraidhean Croise

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

Numbers 19:11

Tangada e poo ange laa gi tangada magau e dee gilimalali i e hidu laangi.

Numbers 6:13

Deenei de hainga ange gi de Nazirite, i de masavaa e odi ange ai laangi aana e vvae gee ai ia ga hai gi dabu. Ia e humai gi de haitoga o de hale malo hagabuni,

Numbers 6:9

Gai noo dahi dangada e daa hagalele donu huu ga magau i ono gaogao, ga hai gu dee gilimalali dono biho gu hai laa ma gu dabu, gai ia gi daalia gi hidu laangi i dua de hai mee laa, gai ia ga dahi dono biho, gai ia gu ahe ange ga gilimalali.

Luke 21:12

Aagai i mua de tae mai o mee nei alodahi, gai dangada e booboo naa goodou ga vaivai hai. Gilaadeu e kave naa goodou ga hagamodu oodou muna i denga synagogue, ma de hhao gi lodo hale pono, ma de kave goodou gi mada i mua o denga hodooligi ma denga goobenaa i hiidinga o dogu ingoo.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 14:5

Gai denga Gentile ma de gau Ssuu madali olaadeu dagi gu nnoho e vaivai hai gilaau, ma de maga gilaau i denga hadu.

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Acts 17:13

Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Acts 18:12

Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna,

Acts 2:9

Go muna a de gau Parthia ma de gau Media, ma de gau Elam, ma de gau Mesopotamia, ma de gau Judea ma Cappadocia, ma de gau Pontus ma Asia,

Acts 20:19

gai au ne hai hegau ange gi Tagi Maolunga i de lodo maolalo ma de dangi aama de hagauda denga mee hai ngadaa a de gau Ssuu ne hai mai gi de au.

Acts 24:11

Gai koe e maua donu i de hai gi too donu, bolo tigi kii ange i de madaangahulu ma lua laangi, i dua dogu hano ga daumaha i Jerusalem.

Acts 24:18

Gai de masavaa aagu e hai ai mee nei, aagai ogu hagadaumee ne gidee au i dua de lava dogu hagagilimalali i de temple, gai e deai hogi dangada soa i ogu daha aabe se hellumi e hai. Aagai e hanu hogi dangada Ssuu mai i Asia i kilaa,

Acts 26:21

Aanei hiidinga a de gau Ssuu ne poo ai au i lo te buibui o de temple, e daa gi magau.

Acts 4:3

Gai gilaadeu ga poo gilaau ga hhao gi lo te hale pono ga tali ai gi ao de mee, go hiidinga gu dai boo de mee i de masavaa laa.

Acts 5:18

gai gilaadeu ga poo de gau tala ga hhao gi lo te hale pono.

Acts 6:12

Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele.

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!