Acts 21:20 - De Beebaa Dabu

²⁰ Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

Acts 21:20 Iomraidhean Croise

Psalm 22:23

Goodou e maatagu i Tagi Maolunga, duuhia ia! Goodou denga hagadiilinga o Jacob, hagadubu ina ia! Denga aamuli o Israel alodahi, goodou hagadubu ina ia!

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Matthew 9:8

Gai dangada alodahi ne gidee laa mee laa gu maatagu mmao, gai gilaadeu ga tuhi de Maadua ne gaavange laa ssauaa laumalie laa gi dangada.

Luke 12:1

De masavaa huu ne kona ai de soa dangada ne hagabuni mai, gai gu dee oo dangada, gai ia ga daamada de hai ange gi ana dangada agoago, “Goodou dagidiiloo goodou i mee hagahua a denga Pharisee, go delaadeu daahanga dangada.

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

John 12:24

Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 15:1

Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.”

Acts 15:24

Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu.

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Acts 6:7

Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.

Romans 10:2

Go hiidinga au e tala donu bolo gilaadeu e kona mmao de kana ange i hegau a de Maadua, aagai gilaadeu tigi tonu ange donu.

Galatians 1:14

Gai au ne kii ange donu dogu hagammahi i denga hai daumaha a de gau Ssuu i ogu soa ange laa, ma de daudali i tahulinga a odaadeu damana madagidagi.

Galatians 1:24

Gai gilaadeu ga tuhi de Maadua i ogu hiidinga.

2 Thessalonians 1:10

i dono masavaa e humai ai i de laangi laa, e hagamahamaha i daho ono dangada dabu, gai gilaadeu alodahi gu hagadonusia e llele naa olaadeu mouli i de ia. Goodou e dau hogi madali gilaadeu, i hiidinga goodou ne hagadonusia amaadeu muna gu tala hagadonu adu gi goodou.