Acts 21:2 - De Beebaa Dabu

² Gai gimaadeu ne gidee dahi vaga gu dai malanga e hano gi Phoenicia, gai gimaadeu ga kage ga hulo ai.

Acts 21:2 Iomraidhean Croise

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Acts 11:19

Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 21:3

Gai dua demaadeu gidee Cyprus, gai gimaadeu ne dele laa ono baasi ngaage ga hulo ai gi Syria. Gai gimaadeu ne tau i Tyre, ga dugu age ai denga goloa o de vaga.

Acts 27:6

Gai tagi o de lau ne gidee dahi vaga o Alexandria i kilaa gu baba ange e hano gi Italy, gai ia ga hai gimaadeu gi kage ange gi de vaga laa.