Acts 20:7 - De Beebaa Dabu

⁷ Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

Acts 20:7 Iomraidhean Croise

Nehemiah 8:3

Gai ia ne dau ange denga hainga gi denga daane ma haahine, ma dangada alodahi gu maua laa i de tonu ange, i tuu malaelae i ma te Haitoga o denga Vai, mai i taiao ga dae ai gi de madohi lua de laangi. Gai dangada alodahi ne kana ange ga hagallongo muna o de beebaa o de hainga.

Nehemiah 9:3

Gai gilaadeu ne tuu i olaadeu mommee i e dolu aoaa ga dau de Beebaa o hainga a Tagi Maolunga, delaadeu Maadua, gai gilaadeu ne tala olaadeu haisala ma de daumaha ange gi Tagi Maolunga, delaadeu Maadua i e dolu aoaa.

Mark 16:9

[Dua de mouli age o Iesu i taiao o tahi laangi o de uvigi, gai ia ne hakide ange gi Mary Magdalene i mua. Deenei de hine aana ne hai laa ga hulo gee e hidu hagasaalunga baubau mai i ono daha.

Luke 22:19

Iesu ne poo mai hogi dahi duudangaa pelaoaa ga dalodalo, ga dohidohi ga gaavange gi gilaadeu gai ia ga hai ange, “Deenei dogu angaanga ne gaavange laa i oodou hiidinga. Goodou haia de mee nei se hagamaanadu niiogu.”

Luke 24:35

Gai luu daane laa ne tala ange hogi mee ne hai i honga de haiava, ma dagodo delaau madea Iesu i de masavaa aana ne dohidohi ai de pelaoaa.

John 20:1

Gai tahi laangi huu o de uvigi, gai Mary Magdalene ne hano gi taanunga i boo taiao donu huu, i de masavaa goi gohugohu ai de mee. Gai ia gu gidee bolo de hadu i ma te haitoga gu lava i de hagadige gee.

John 20:19

Gai de ahiahi laa go de ahiahi o tahi laangi o de uvigi, gai denga dangada agoago gu hagamakaga delaadeu abaaba ma e nnoho ai, i hiidinga delaadeu maatagu i de gau Ssuu. Gai Iesu ga humai ga duu i olaadeu magavaa ga hai ange gi gilaadeu, “De baba gi dagodo i oodou daha.”

John 20:26

Gai dua huu e valu laangi, gai denga dangada agoago gu nnoho hogi i de hale, gai Thomas gu noho madali gilaadeu. Gai denga abaaba gu pono, aagai Iesu ga humai ga duu i olaadeu magavaa, ga hai ange, “De baba gi dagodo i oodou daha.”

Acts 16:10

Dua dana hai de midi laa, gai gimaadeu ne hagamoolau e hai e hulo gi Macedonia, go hiidinga gimaadeu ne hagataba bolo de Maadua gu hagahi mai gimaadeu gi hulo gi agoagona ange de longo danuaa gi dangada i kilaa.

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 20:11

Gai ia ga ahe age ga dohidohi pelaoaa ma de gaimee. Gai ia ne madaangudu ga dae ai gi de ao ai de mee, gai ia ga hano gee mai i kilaa.

Acts 20:31

Deenei ai, goodou dagitilo, ma gi manadua bolo ne dolu ngadau aagu tee helui ai de hagakana ange goodou i de laangi ma de boo aama de dangi.

Acts 20:5

Denga daane nei ne hulo i mua gi Troas ga tali ai gimaadeu,

Acts 20:9

Gai e dahi hogi dama daane e noho i honga de haitoga o de madangi, dono ingoo go Eutychus; ia ne seni i hiidinga taulooloa de agoago a Paul. Gai ia gu doo iho i tolu deege o de hale, gai de masavaa huu alaadeu ne saabai age ia, gai gilaadeu gu gidee bolo ia gu magau.

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

1 Corinthians 10:16

E aha, de ubu adaadeu e hagaahe ange ai nei de abodonu, e dee go taadeu hagadau kave dodo o Klisdo? Gai e aha, de pelaoaa adaadeu e dohidohi nei, e dee go taadeu hagadau kave de angaanga o Klisdo?

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

1 Corinthians 16:2

Denga dahi laangi alodahi o de uvigi, gai dahi ma dahi gi vaaea gee dana sseene e daohi age ga doange, e dee tali donu go dogu masavaa e dae adu ai e daohi age ai de mee a tangada.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.