Acts 20:28 - De Beebaa Dabu

²⁸ Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 20:28 Iomraidhean Croise

Psalm 74:2

Manadua doo huaadangada aau ne hagao madagidagi, go de aamuli aau ne hagaola e hai ai oo dangada, de mounga go Zion, go doo mommee e noho ai.

Proverbs 10:21

Muna a tangada heohi e bale ange dangada soa, aagai de gau llodo ssenga e maakau i hiidinga delaadeu ssenga.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Jeremiah 13:20

Dangage age diiloo dangada e loomai laa i ngaiho. Gai i hee iai de hagabuulingaa ssiibi gu gaavadu gi de goe, go de hagabuulingaa ssiibi oou e basa hagasoenga ai laa?

Jeremiah 3:15

Gai au e gaavadu naa gi goodou de gau hagaloosi e haia ogu lodo, gai gilaadeu ga dagi ai goodou i de iloo mee ma de tonu ange.

Jeremiah 31:10

Denga huaahenua, goodou hagalaangona muna a Tagi Maolunga, gai hagadele ina i denga henua mmao: ‘De ia ne haia ga mavaevae saele Israel e hagabuni mai naa gilaadeu, ma de tilo ange gilaadeu bei dagodo o tangada hagaloosi ssiibi.’

Ezekiel 34:3

Goodou e gai denga kiliisi, ma de kahu i huluhulu o denga ssiibi, gai e daa denga ssiibi gu haangai ma gu pedi, aagai goodou e dee hagaloosi ange donu denga ssiibi.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Zechariah 11:4

E hagadaba Tagi Maolunga dogu Maadua: “Hagaloosia ange denga ssiibi gu baba ange laa e daa gi maakau.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Matthew 2:6

‘Aagai koe, Bethlehem, i de henua o Judah, koe e dee maolalo ange donu i denga aduhale maolunga o Judah; go hiidinga e sula age naa i oo daha dahi dagi gai ia ga dagi ai dogu huaadangada go Israel.’ ”

Mark 13:9

Aagai goodou kana ange dagidiiloo iho goodou. Dangada e gaavange naa goodou gi de hagabuulinga hagasaele, gai goodou e gaavee naa ga hagailiilia i lodo synagogue. Goodou e hai naa gi tuu i mada i mua o denga goobenaa aama denga hodooligi i ogu hiidinga, gai goodou ga tala hagadonu ange ai au gi gilaadeu.

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Acts 20:17

Gai ia ne aalu denga dagi o de nohoanga dabu o Ephesus gi loomai gi ono daha i Miletus.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Romans 16:16

Goodou hagadau hagaboo i de oso dabu. Denga nohoanga dabu alodahi o Klisdo e gaavadu hogi delaadeu hagaboo gi goodou.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

1 Corinthians 10:32

Goodou gi dee hagadaemaha ina lodo o de gau Ssuu, be go de gau Greek, aabe go de nohoanga dabu o de Maadua,

1 Corinthians 11:22

E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.

1 Corinthians 15:9

Gai go au hugadoo e maolalo i de gau tala, gai e dee bau ange gi de hagabinga bolo se dangada tala, go hiidinga au ne vaivai hai de nohoanga dabu o de Maadua.

1 Corinthians 6:20

goodou ne hagao ina i dahi hagaoanga laumalie. Deenei ai, goodou hagamahamaha ina de Maadua i oodou angaanga.

Galatians 1:13

Gai goodou gu langona dagodo o dogu mouli i de masavaa oogu nogo daumaha ai bei dagodo o de gau Ssuu: au ne kona donu dagu vaivai hai de nohoanga dabu o de Maadua ma de hagatale de oha de nohoanga dabu.

Ephesians 1:14

go de ia e hagadonu ai taadeu boolonga ga dae ai gi taadeu kave de mee gu bolo mai laa gi gidaadeu, gai gidaadeu ga tuhi ai dono mahamaha.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Colossians 1:14

go de ia ne hagaola ina gidaadeu, ga degi mai gi odaadeu haisala.

Colossians 4:17

Gai goodou hai ange gi Archippus, “Koe gi diiloo hagalava ina tuuhanga hegau a Tagi Maolunga gu gaavadu koe gi haia.”

1 Timothy 3:1

Muna nei ni muna abodonu: noo dahi dangada e lodo ia gi se dagi i de nohoanga dabu, gai ia e lodo i dahi hegau danuaa.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

1 Timothy 3:5

(Noo tangada e dee maua i de dagi dono huaabodu donu, aagai dee hee ai dana hai e dagi ai de nohoanga dabu o de Maadua?)

1 Timothy 4:14

Koe gi dee hagangadi mee ina tuuhanga gu gaavadu naa gi de goe i muna pelaabisi i denga masavaa a denga dagi ne dugu adu ai olaadeu lima gi oo elunga.

1 Timothy 4:16

Koe gi dagidiiloo iho oo dagodo aama dagodo o au mee e agoago. Koe gi lodo mmahi i de hai mee nei, go hiidinga noo koe e hai mee nei, aagai koe gu hagamouli goe aama gilaadeu e hagalaangona au muna.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.