Acts 20:25 - De Beebaa Dabu

²⁵ Aagai iainei au e iloo bolo goodou alodahi gu agoago i ogu daha i dagodo o de nohoanga hodooligi o de Maadua gu dee aahe ange naa donu e gidee au.

Acts 20:25 Iomraidhean Croise

Matthew 10:7

Gai goodou ga agoago ange gilaadeu, ga hai ange, ‘Gu baa mai de nohoanga hodooligi o de langi!’

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Luke 16:16

De hainga ma denga pelaabisi ne agoago ga dae mai ai gi de masavaa o John taane Babudaisi; gai muli mai ne daamada de agoago de longo danuaa o de nohoanga hodooligi o de Maadua, gai dangada alodahi gu hagammahi e ulu ai.

Luke 9:60

Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”

Acts 20:38

Gilaadeu gu kona mmao de hinangalosaa i hiidinga dana tala ange gi gilaadeu bolo gilaadeu e dee gidee ange naa donu ia. Gai gilaadeu ne hulo ga kave ia gi de vaga.

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.

Acts 8:12

Gai de masavaa huu a dangada ne hagadonu ai agoago a Philip, i dana tala de longo danuaa o de nohoanga hodooligi o de Maadua, ma de ingoo o Iesu Klisdo, aagai denga daane ma haahine gu babudaisi.

Romans 15:23

Gai iainei gu lava agu hegau i denga mommee nei, gai go hiidinga hogi gu ni ngadau lagolago oogu ne lodo ai e hanadu gi oodou daha.

Galatians 1:22

De masavaa laa gai dangada i denga nohoanga dabu o Klisdo i Judea tigi iloo e gilaadeu au.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.