Acts 20:24 - De Beebaa Dabu

²⁴ Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 20:24 Iomraidhean Croise

1 Chronicles 11:18

Gai denga daane mmahi dogodolu laa ne ulu laa magavaa o denga daane hebagi o Philistia, ga hulo ai ga asu mai hanu vai i de vai geli i gaogao de haitoga i Bethlehem, ga gaamai gi David. Aagai David tee unu vai laa; ia ne llingi vai laa ga sigidaumaha ange ai gi Tagi Maolunga,

Luke 16:28

gi daho ogu daina daane dogolima, gi daalaa ange ai gi gilaadeu dagodo o de mommee nei, gi dee loomai ai gilaadeu gi de mommee hagammae nei.’

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

John 17:4

Au ne hagamahamaha goe i henua i lalo, i dagu hagalava de hegau aau ne gaamai au gi haia.

Acts 1:17

Ia se daane madali gimaadeu, gai ne kave tuuhanga hegau nei madali gimaadeu.”

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 13:25

Gai ga baa ange huu gi lava hegau a John, gai ia ga hagadaba, ‘Goodou e maanadu bolo au goai? E dee go au de ia gu dai humai laa. Aagai e humai naa dahi dangada i ogu dua, gai au e dee bau ange gi de tala mee e noonooa ai ono mee vae.’

Acts 14:3

Gai Paul ma Barnabas ne daulooloa delaau nnoho i kilaa, ma de lo taane i de agoago muna a Tagi Maolunga, gai ia ne hagadonu agoago o dono abodonu, i dana hai gi maua e gilaau i de hai denga hagailonga ma mee hagalele mouli.

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 20:23

Gai deelaa donu huu, de Hagasaalunga Dabu ne hagaago mai gi de au i denga aduhale alodahi, bolo au e noodia naa ga hagaduasala.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Romans 11:6

Aagai noo mee nei ne maua i dono abodonu, gai gu dee go hiidinga ai loo hegau a dangada; ana vakaa de abodonu nei ga dee se abodonu.

Romans 4:4

De hagaoanga o tangada hai hegau e dee dau bolo se mee ngadi gaavange, aagai go dono hagaoanga.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

2 Corinthians 12:10

Deenei ai, au e malangilangi donu i ogu mee e baageaa ai, ma de hagadogaa ina ai, ma hai ngadaa, ma vaivai haia, ma hagaduasala i hiidinga de ingoo o Klisdo. Go hiidinga de masavaa oogu e baageaa ai, go de masavaa donu oogu e mmahi abodonu ai.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

2 Corinthians 4:12

Deenei ai, de magau e hai hegau i omaadeu daha, aagai e hai gi maua e goodou de mouli.

2 Corinthians 5:8

Gimaadeu e llodo mmahi ma de malangilangi i de dugu de hale go odaadeu angaanga nei, gai ga hulo e nnoho madali Tagi Maolunga.

2 Corinthians 7:4

Au e basa hagasoe adu donu gi goodou; au e kona hogi dagu tuhi goodou. Au gu kona mmao de lo taane ogu lodo. E dee galemu demaadeu hai ngadaa, gai au gu kona donu dogu malangilangi.

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

Philippians 2:30

go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

1 Thessalonians 3:3

gi deai ai se goodou e baageaa i hiidinga o denga vaivai haia nei. Gai goodou e iloo bolo denga vaivai haia nei ni mee donu gu hagamodu e hai mai gi gidaadeu.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Titus 1:3

gai ga dae huu de masavaa, gai ia ga hagaago mai i ana muna i agu agoago gu lava i de tala adu ai goodou, bei de hai a de Maadua taadeu Ia Hagaola gu tala mai ai gi de au.

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Hebrews 10:34

Goodou ne aaloha ange gi gilaadeu i lo te hale pono, gai ne malangilangi donu i de hai gi de mahi ina oodou goloa, go hiidinga goodou e iloo bolo e hanu oodou goloa e danuaa ange i goloa laa, gai e daakodo ga hano ai.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

1 John 3:16

Gai deenei taadeu hai e iloo ai dagodo o de aloha abodonu: Iesu Klisdo ne gaavange dono mouli i odaadeu hiidinga. Gai gidaadeu gi gaavange hogi odaadeu mouli i hiidinga odaadeu daina.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 6:11

Gai gu gaavange gi gilaadeu denga malo tea, ma de tala ange gilaadeu gi hagammabu ange i dahi masavaa bodobodo, ga dae ai gi de odi mai olaadeu soa ange laa, gai olaadeu daina ne daia laa ga maakau bei olaadeu dagodo gu odi ange hogi.