Acts 2:7 - De Beebaa Dabu

⁷ Gai gilaadeu alodahi gu dee tonu ange ma de llele mouli ga ssili, “E aha, e dee ni daane Galilee alodahi e pasa nei?

Acts 2:7 Iomraidhean Croise

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Matthew 26:73

Muli mai gai hanu dangada e tuu laa i kilaa, ne loomai ga hai ange gi de ia, “Ni muna abodonu, koe se daane donu madali gilaadeu, go hiidinga doo hai e basa ai e hagaago mai doo mommee ne humai ai!”

Matthew 8:10

De masavaa huu a Iesu ne langona ai ana muna, gai ia gu lele ono mouli ga hai ange gi dangada e daudali ange laa i de ia, “Ni muna abodonu aagu e hai adu nei gi goodou, au tigi gidee dahi gai laumalie bee nei i magavaa o de gau Israel.

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Mark 2:12

Gai taane laa ga hidi age i de masavaa laa donu huu ga saabai dono moenga, ga sao ga hano i madamada o dangada alodahi. Gai dangada alodahi gu llele mouli, ga tuhi de Maadua ga hagataba, “Gidaadeu tigi gidee donu dahi hegau bee nei!”

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

Acts 1:11

ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”

Acts 2:12

Gai gilaadeu alodahi gu llele mouli ma de ssenga ange, ga hagadau ssili ga hagataba, “Dee hee de hagadoonunga o mee nei?”

Acts 2:8

Gai gu aha gidaadeu gu langona ai nei gilaadeu e pasa i adaadeu muna?

Acts 3:10

gai gilaadeu ne madea bolo ia go taane nogo noho laa ma e dangidangi i mee ngadi gaavange i de haitoga o de temple e hagaingoo ange laa go de Haitoga Mahamaha. Gai gilaadeu gu llele mouli ma de maatagu i mee gu hai ange laa gi de ia.