Acts 2:39 - De Beebaa Dabu

³⁹ De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Acts 2:39 Iomraidhean Croise

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Isaiah 57:19

ma de hai gilaadeu e hinangalosaa i Israel gi duuhia. De noho baba, de noho baba, ange gi gilaadeu e mmao, ma gilaadeu e paa mai, go Tagi Maolunga e hagadaba. Gai au e hagaieiangi naa gilaadeu.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Isaiah 65:23

Alaadeu hegau gu dee ni ngadi hegau, aabe alaadeu dama e haanau e tuu ange gi de hai ngadaa; gai gilaadeu e hai naa go hagadiilinga a Tagi Maolunga e hagamanuuia, go gilaadeu alodahi ma olaadeu hagadiilinga.

Ezekiel 37:25

Gilaadeu e nnoho naa i honga de henua aagu gu gaavange gi dogu dangada hai hegau go Jacob, go de henua o oodou dubuna nogo nnoho ai, gai gilaadeu ma alaadeu dama e nnoho ai naa ga hano ai, gai dogu dangada hai hegau go David e hodooligi naa i olaadeu elunga ga hano ai.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

Acts 15:14

Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada.

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 15:8

Gai de Maadua e iloo laa e ia denga lodo alodahi ne tala hagadonu dagodo olaadeu lodo, i dana gaavange de Hagasaalunga Dabu gi gilaadeu, bei dana hai gu gaamai ai laa hogi gi gidaadeu.

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

1 Corinthians 7:14

Go hiidinga taane dau bodu e dee hagadonusia laa e hai ga dabu i hiidinga o dono bodu, gai de hine dau bodu e dee hagadonusia laa e hai ga dabu i hiidinga o dono bodu. Noo e dee deenei tagodo, gai oodou dama e dee gilimalali, gai iainei gilaadeu gu hagabinga bolo e dabu.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

Deuteronomy 29:15

aagai se mee ange hogi gi tangada e duu madali gidaadeu anailaa nei i mada i mua o Tagi Maolunga taadeu Maadua aama tangada e dee madali gidaadeu anailaa nei.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”