Acts 2:2 - De Beebaa Dabu

² Gai de masavaa laa donu huu gai gu humai dahi mee be se madangi mmahi i de langi ga hhao lo te hale olaadeu e nnoho ai laa.

Acts 2:2 Iomraidhean Croise

1 Kings 19:11

Gai ia ne hai ange, “Sao mai hannoo duu i honga de mounga i mada luu mada o Tagi Maolunga. Gai tilo, Tagi Maolunga e humai naa laa oo gaogao.” Gai dahi madangi laumalie ma de mmahi ne dau mai ga oha denga mounga ma de dili iho denga hadu, i mada i mua o Tagi Maolunga, aagai Tagi Maolunga e dee noho i lo te madangi laa. Dua de madangi laa gai de henua gu ngalungalue, aagai Tagi Maolunga e dee noho i de ngalungalue o de henua.

Psalm 18:10

Ia e gage i honga dahi cherubim ma e lele ai; ia e lele i luu bakau o de madangi.

Song of Songs 4:16

De madangi mai i ngaiho, alahage! De madangi mai i ngaage, alahage! Ilihia honga dagu veelenga, gaavee dono maanongi gi daha. Haia gi humai dogu dau soa gi lo tana veelenga, gi mamia ange ai ono huamanu danuaa.

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Luke 2:13

De masavaa laa donu huu, gai gu hagabuni mai de gau de langi soa mmao gi daho tangada de langi laa. Gai gilaadeu ga tuhi de Maadua, ga hagataba,

John 3:8

De madangi e ssau mai ga hano be go hee e hano laa aagena, koe e langona de leo o de madangi, aagai koe e dee iloo be go hee ne humai ai aabe go hee e hano laa aagena; gai e bei ai hogi dagodo o dangada gu haanau laa i de Hagasaalunga.”

Acts 2:3

Gai gilaadeu ne gidee hanu mee be ni manga niio de ahi ula, gai manga laa ne loiho gi honga o dahi ma dahi.

Acts 2:6

Gai ga langona huu e dangada soa mee laa, gai gilaadeu ga hagabuni mai i de llele olaadeu mouli, go hiidinga dahi ma dahi gu langona de gau tala e pasa i muna dono henua.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.