Acts 2:11 - De Beebaa Dabu

¹¹ (go de gau Ssuu ma denga Gentile alodahi gu dau laa i taumaha a de gau Ssuu); ma muna a de gau Crete, aama de gau Arab — gidaadeu e langona delaadeu tala dagodo o hegau hagalele mouli a de Maadua ne hai i amaadeu muna donu.”

Acts 2:11 Iomraidhean Croise

1 Kings 10:15

gai tee hagapuni ange goolo mai i daho de gau hagao mee ma de gau hagahesuihagi mee, ma mai i daho denga hodooligi o Arabia alodahi, ma goobenaa o denga vaaenga o de henua.

2 Chronicles 17:11

Gai hanu dangada Philistia ne gaamai hanu mee ngadi gaavange gi Jehoshaphat, ma hanu selevaa, gai de gau Arab ne gaamai hogi gi de ia e 7,700 ssiibi daane aama e 7,700 guudi daane.

2 Chronicles 26:7

Gai de Maadua ne bale ange ia ga hebagi ange ai gi de gau Philistia, ma de gau Arabia nogo nnoho i Gurbaal, aama de gau Meun.

De Beebaa go Job 9:10

Ia e hai mee hagalele mouli e dee maua laa gi tonu ange aagena, ma denga sauaa e dee maua laa i de dau.

Psalm 107:15

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 107:21

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 107:8

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 111:4

Ia gu hai gi dee ngalo ana hegau hagalele mouli; Tagi Maolunga e degi ma de lodo aloha.

Psalm 136:4

Go ia donu huu e haia denga hegau hagalele mouli, Dono abodonu e dagodo ga hano ai.

Psalm 26:7

au e hai gi laumalie dogu leo e tala tuhi ai goe, ma de tala dagodo o au hegau hagalele mouli alodahi.

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Psalm 71:17

De Maadua, koe ne agoago mai au i dogu gauligi, gai au goi tala donu huu dagodo o au hegau hagalele mouli.

Psalm 77:11

Au e hagamaanadu hegau a Tagi Maolunga; au e maanadu au hegau hagalele mouli madagidagi loo.

Psalm 78:4

Gidaadeu e dee hagammuni donu mee nei mai i alaadeu gauligi, gai e tala ange gi denga atangada e loomai i muli dagodo hagailonga a Tagi Maolunga, ma dono mahi, aama hegau hagalele mouli aana ne hai.

Psalm 89:5

Tagi Maolunga, de langi gi duuhia au hegau hagalele mouli, gai de gau dabu gi duuhia doo hai hegau i de mee abodonu!

Psalm 96:3

Daalaa dagodo o dono mahamaha i magavaa o denga huaahenua, aama ana hegau hagalele mouli i magavaa o dangada alodahi.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Isaiah 13:20

Gai e deai naa donu dangada e nnoho ai i denga atangada e loomai; e deai hogi se dangada Arab e hagaduulia dono hale malo i kilaa, aabe ni dangada hagaloosi ssiibi e haia alaadeu hagabuulingaa ssiibi gi hagammabu i kilaa.

Isaiah 21:13

Muna hagadaemaha i dagodo o Arabia. Goodou de gau Dedan e hagadaga saele laa, goodou e nnoho i de vao o Arabia i de boo.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Isaiah 28:29

De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Jeremiah 25:24

ma denga hodooligi alodahi o Arabia ma hodooligi alodahi o dangada e nnoho i lodo henua;

Jeremiah 3:2

Koe gi galo age gi ulu denga duuduu malaelae ma gi diiloo. E dahi laa mommee oou tee dagodo haisala ai? Koe ne noho i gaogao de haiava ma e tali ai oo dau soa, koe e bei de gau Arab e nnoho laa i de vao. Koe gu hai ma gu hakino gee de henua, i doo hai be se manu ma au hegau baubau.

Acts 2:10

ma de gau Phrygia ma Pamphylia, ma de gau Egypt, ma dangada o hanu ungaamee o Libya e paa ange laa gi Cyrene; ma muna a dangada ne loomai i Rome

Acts 2:12

Gai gilaadeu alodahi gu llele mouli ma de ssenga ange, ga hagadau ssili ga hagataba, “Dee hee de hagadoonunga o mee nei?”

Acts 27:12

Gai go hiidinga taulanga laa e dee danuaa ange gi de masavaa hagamagalili, deelaa ai, de baasi soa o dangada ne hagataba bolo gilaadeu ga hagatale de hulo gi tae gi Phoenix, se mommee iai dahi daulanga i Crete, e huli gi dai ngaage ma dai ngaiho.

Acts 27:13

Gai de masavaa huu ne dahuli ai de madangi ga humai i ngaage, gai denga daane ne maanadu bolo gu maua i de hai gi bei delaadeu hagatau, gai gilaadeu ga hhudi age de ataula, ga dele laa gaogao de agau o Crete ga hulo ai.

Acts 27:7

Gai gimaadeu ne damaa dele donu huu i hanu laangi, gai ne hai ngadaa donu demaadeu tau i Cnidus. Gai ga dee maua huu e gimaadeu i de hagassoe e hulo, i hiidinga o de madangi, gai gimaadeu ne dele laa lalo i de mommee luungagi i gaogao o Crete, i de baasi gee o Salmone.

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

Galatians 1:17

Au tee hano hogi gi Jerusalem e hedae ange ai gi gilaadeu gu ni dangada tala laa i ogu mua, aagai au ne hano gi Arabia, muli mai gai au ne ahe ga hano gi Damascus.

Galatians 4:25

Hagar go de mounga go Sinai i Arabia; ia e hagasengasenga ange gi Jerusalem, go hiidinga gilaadeu ma ana dama ni dangada hai hegau.

Titus 1:12

Gai e hagadaba dahi pelaabisi o de gau Crete, “De gau Crete ni dangada e hadu muna i masavaa alodahi, gilaadeu e bei dagodo o denga manu alasala baubau, gai e aagai ma de vaiduu.”

Titus 1:5

Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.