Acts 2:1 - De Beebaa Dabu

¹ De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Acts 2:1 Iomraidhean Croise

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

2 Chronicles 5:13

Gai denga daane e ilihia denga trumpet ma de gau daahili ne hagabuni ga tuhi ma de hagaahe ange de abodonu gi Tagi Maolunga. Gai de masavaa olaadeu ne daahili ai, ma de ili denga trumpet ga hagailiili denga cymbal aama de hagadangidangi i denga hagadaagangaa mee hagadangidangi ga tuhi Tagi Maolunga ma de hagataba, “Ia e danuaa; dono abodonu e dee helui donu” — gai de hagausinga gu hano iho ga haoli de hale o Tagi Maolunga.

Psalm 133:1

Tilo, se mee danuaa ma de mahamaha de nnoho hagabuni o denga hai daina!

Exodus 23:16

Gai koe daoa Taonga o de Hagihagi, ga gaamai huamanu e hagihagi i taamada hugadoo, mai i denga manu e doo i honga doo gelegele. Dao hogi Taonga o de Hagabudu mai o denga huamanu, i de hagaodi o de ngadau, i de masavaa e odi mai ai huamanu i lodo au veelenga.

Exodus 34:22

Gai goodou dao ina Taonga o Denga Uvigi, i de masavaa e hagihagi ai denga grain i taamada, ma Taonga o de Hagabudu i de hagaodi o de ngadau.

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

Zephaniah 3:9

Gai au e ahe ange naa ga sui denga huaadangada, ma de hagagilimalali alaadeu muna e tala, gai gilaadeu alodahi e dalodalo naa i de ingoo o Tagi Maolunga ma de daumaha ange gi de ia i de lodo daudahi.

Acts 1:5

Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 20:16

Gai a Paul ne hagatau bolo ia e dee dau age i Ephesus, ia tee lodo e noho i Asia, i hiidinga ia e hagamoolau e hano gi dae gi Jerusalem, i de laangi o de Pentecost, noo e maua.

Acts 4:24

Aagai ga langona huu e olaau soa muna laa, gai gilaadeu ga dalodalo ange gi de Maadua i de lodo daudahi, ga hai ange: “Tagi Maolunga, go koe ne haia de langi ma henua i lalo, ma tai aama mee alodahi iai,

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

Acts 5:12

Gai ne lagolago hagailonga ma mee hagalele mouli a de gau tala ne hai i magavaa o dangada. Gai gilaadeu alodahi ne hagabuni i de lodo daudahi ga nnoho i de mommee iai laa de Velanda o Solomon.

Romans 15:6

gai gi buni ai oodou lodo i doodou tuhi de Maadua, ma Tamana o taadeu Dagi Maolunga go Iesu Klisdo.

1 Corinthians 16:8

Aagai au e noho naa i Ephesus ga dae ai gi de Pentecost,

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

Philippians 2:2

gai goodou haia gi honu abodonu dogu malangilangi, i de buni i oodou lodo, ma de buni i de aloha, ma de buni i de lodo ma de maanadu daudahi.