Acts 19:35 - De Beebaa Dabu

³⁵ Gai de masavaa a tangada sisi o de aduhale ne hai ai gi dee hagalongaa dangada soa, gai ia ne hai ange gi gilaadeu, “Dangada o Ephesus, e dahi nei dangada i henua i lalo e dee iloo bolo Ephesus go de aduhale iai de temple o Artemis maolunga, ma dono diinonga ne doo iho laa i de langi?

Acts 19:35 Iomraidhean Croise

John 9:31

Gidaadeu e iloo bolo de Maadua e dee hagallongo dalodalo a de gau baubau, gai ia e hagallongo dangidangi a dangada e daumaha ange gi de Maadua ma de daudali ono lodo.

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Acts 19:34

Aagai ga iloo huu e dangada bolo ia se daane Ssuu, gai gilaadeu ga hevaalogi i e lua aoaa, ga hagataba, “Artemis o Ephesus e maolunga mmao!”

Acts 19:36

Deenei ai, go hiidinga muna nei e dee maua donu i de hagahadu muna, e heohi doodou dee hagalongaa gai gi dee hagamoolau gi haia dahi mee daudahi.

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.