Acts 19:11 - De Beebaa Dabu

¹¹ Gai de Maadua ne hai denga sauaa hagalele mouli i daho Paul,

Acts 19:11 Iomraidhean Croise

John 14:12

Ni muna abodonu, ni muna abodonu, aagu e hai adu nei gi goodou, tangada e hagadonusia ogu dagodo, e hai naa hogi hegau aagu gu hai nei; gai ana hegau e hai e kii ange naa donu de hagalele mouli i mee nei, i hiidinga au ga ahe nei gi daho Tamana.

Acts 14:3

Gai Paul ma Barnabas ne daulooloa delaau nnoho i kilaa, ma de lo taane i de agoago muna a Tagi Maolunga, gai ia ne hagadonu agoago o dono abodonu, i dana hai gi maua e gilaau i de hai denga hagailonga ma mee hagalele mouli.

Acts 15:12

Gai dangada alodahi gu dee mmuu i delaadeu nnoho ga hagallongo muna a Barnabas ma Paul i delaau tala ange dagodo o denga hagailonga ma mee hagalele mouli a de Maadua gu dugu ange gilaau gi haia i magavaa o denga Gentile.

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Acts 5:12

Gai ne lagolago hagailonga ma mee hagalele mouli a de gau tala ne hai i magavaa o dangada. Gai gilaadeu alodahi ne hagabuni i de lodo daudahi ga nnoho i de mommee iai laa de Velanda o Solomon.

Acts 8:13

Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.

Galatians 3:5

E aha, de ia ne gaavadu gi goodou de Hagasaalunga ⌊Dabu⌋, ma de hai denga mee hagalele mouli i oodou daha, ne hai laa mee nei i dono daudali i de hainga, aabe go hiidinga doodou langona de longo danuaa ga kai ange aagena?

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.