Acts 19:10 - De Beebaa Dabu

¹⁰ Gai Paul ne agoago i kilaa i e lua ngadau. Gai de gau Ssuu ma de gau Greek alodahi e nnoho i de ungaamee o Asia gu langona muna a Tagi Maolunga.

Acts 19:10 Iomraidhean Croise

Acts 13:12

Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Acts 18:11

Gai ne dahi ngadau ma de bido o Paul ne noho ai i kilaa, ga agoago ange ai dangada i muna a de Maadua.

Acts 18:4

Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.

Acts 19:20

Deelaa ai, muna a Tagi Maolunga gu ssula danuaa ma de hagadagadaga age i kilaa.

Acts 19:22

Gai ia ne hai gi hulo e dogolua daane e balea ange ia, go Timothy ma Erastus, gi Macedonia. Aagai ia ne noho i Asia i dahi damaa masavaa.

Acts 19:8

Paul ne hano hogi gi de synagogue i e dolu malama, ga agoago ai i de lo taane ma de usuusu ange dangada i dagodo de nohoanga hodooligi o de Maadua.

Acts 2:9

Go muna a de gau Parthia ma de gau Media, ma de gau Elam, ma de gau Mesopotamia, ma de gau Judea ma Cappadocia, ma de gau Pontus ma Asia,

Acts 20:18

Gai ia ne hai ange gi gilaadeu i de masavaa olaadeu ne tae mai ai gi ono daha, “Goodou e iloo ogu dagodo i masavaa alodahi oogu nogo noho ai i oodou magavaa, mai i tahi laangi oogu ne dae ai gi Asia,

Acts 20:31

Deenei ai, goodou dagitilo, ma gi manadua bolo ne dolu ngadau aagu tee helui ai de hagakana ange goodou i de laangi ma de boo aama de dangi.

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

2 Timothy 1:15

Koe e iloo bolo dangada alodahi i Asia ne tili au, bei dagodo o Phygelus ma Hermogenes.

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,