Acts 18:6 - De Beebaa Dabu

⁶ Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Acts 18:6 Iomraidhean Croise

2 Samuel 1:16

Gai David ne hai ange gi taane Amalek, “Doo magau e dau adu donu huu gi de goe. Au muna ne hagabaubau donu huu goe, i dau hagadaba, ‘Au gu daa ga magau de ia a Tagi Maolunga ne hagadabu.’ ”

1 Kings 2:33

Gai mee nei gi dau ange gi a Joab ma dono hagadiilinga ga hano ai; aagai Tagi Maolunga gi gaavange gi David ma dono aamuli, ma dono huaabodu, aama dono nohoanga hodooligi de nnoho paba ga hano ai.”

Nehemiah 5:13

Gai au ga luuluu ogu malo, ga hai ange, “De Maadua gi luuluu ina gi doo mai i dono hale ma ono goloa tangada e dee haia gi bei de hagatoo donu nei. Gai ia gi luuluuia ina ga dae ai gi de odi ana mee.” Gai de hagabuulingaa dangada alodahi laa ga hai ange, “Amen!” Gai gilaadeu ga tuhi Tagi Maolunga. Gai dangada alodahi ne hai donu ga bei de hagatoo donu laa.

Ezekiel 18:13

gai ia e gaavange sseene e kave ai dahi mee laa honga mee aana ne gaavange laa — e aha, e heohi de mouli o tangada bee nei? E deai, ia e dee dugu donu gi mouli donu. Ia gu hai denga mee hakino gee nei alodahi; ia e daa donu gi magau, gai dono magau e dau ange donu huu gi de ia.

Ezekiel 33:4

gai be goai naa huu e langona de ili o de hanga manu, aagai ia e dee anga ange aagena, gai ia e daia ga magau i de gadilaasa; gai dono magau e dau ange donu huu gi de ia.

Ezekiel 33:6

Aagai noo tangada dagitilo e gidee de dae mai o de gadilaasa, aagai ia tee ili de hanga manu e hagakana ange ai dangada, gai de gadilaasa e humai ga kave de mouli o dahi dangada, gai taane laa ne magau i hiidinga ono baubau, aagai au e dau ange naa dono magau gi tangada dagitilo laa.’

Leviticus 20:9

Be goai e hagangadi mee ina dono damana be go dono dinana e daa donu gi magau, i hiidinga ia gu hagangadi mee dono damana be go dono dinana; ia e hagaduasala donu.

Matthew 10:14

Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

Matthew 21:43

Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Matthew 22:10

Aagai de gau hai hegau ne hulo gi honga denga haiava hugadoo, ga hagahi ai dangada alodahi alaadeu e gidee, go gilaadeu alodahi e baubau ma gilaadeu e danuaa, ga hhao ai gu honu de mommee o taonga hagahai bodu.

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Matthew 8:11

Au e hai adu gi goodou: dangada soa e loomai naa i dua aama mai i dai ga nnoho madali Abraham, ma Isaac, aama Jacob i de nohoanga hodooligi o de langi.

Luke 22:65

Gai ne lagolago ange alaadeu muna ne tala ga hagangadi mee ai ia.

Luke 9:5

Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.”

Acts 13:51

Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Acts 28:28

Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [

Romans 3:29

E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile,

1 Timothy 5:22

Aude hagamoolau gi hagadabu ina dahi dangada, aabe gi hagabuni ange gi dahi gi haisala ai. Koe gi gilimalali oo dagodo.

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.