Acts 18:5 - De Beebaa Dabu

⁵ De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 18:5 Iomraidhean Croise

Jeremiah 20:9

Aagai noo au e hagadaba, “Au e dee tala naa donu ono dagodo aabe e ahe ange e basa i dono ingoo,” gai ana muna i ogu lodo e bei de ahi ula, se ahi e pono ange i lodo ogu ivi; au gu dalea mmao i de daohi, ni muna abodonu, au gu dee maua i de daohi.

Jeremiah 6:11

Aagai au gu honu i de bole o Tagi Maolunga, au gu dee maua i de golomagi dogu bole. ⌊Gai e hagadaba Tagi Maolunga,⌋ “Haia gi hano iho lili gi denga gauligi i honga de haiava, ma denga dama daane gu hagabuni laa; gai e duu ange naa hogi gi taane ma dono bodu, ma de gau maatua, aama de gau madumaatua.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Luke 12:50

E dahi babudaisi oogu gu baba ange e babudaisi ai, gai au e daemaha ogu lodo ga dae ai gi de hagalava!

Luke 16:28

gi daho ogu daina daane dogolima, gi daalaa ange ai gi gilaadeu dagodo o de mommee nei, gi dee loomai ai gilaadeu gi de mommee hagammae nei.’

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

John 10:24

Gai de gau Ssuu ga hagabuni mai gi ono daha ga ssili ange gi de ia, “Dee hee maa taulooloa dau dee tala mai gi iloo e gimaadeu? Noo go koe de Klisdo, gai koe daalaa mai.”

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

John 3:28

Goodou gu langona dagu tala bolo e dee go au de Klisdo, aagai au ne hai gi humai i ono mada i mua.

Acts 10:42

Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau.

Acts 15:22

Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina,

Acts 16:1

De masavaa huu o Paul ne dae ai gi Derbe ma Lystra, gai ia gu hedae ange gi dahi dama daane gu hagadonusia laa, dono ingoo go Timothy, dono dinana se hine Ssuu gu hagadonusia, aagai dono damana se daane Greek.

Acts 16:12

gai ne dele mai i kilaa ga hulo gi Philippi, se aduhale hagamogomogo i de ungaamee o Macedonia, gai se mommee niio de gau Rome. Gai gimaadeu ne nnoho i de aduhale laa i hanu laangi.

Acts 16:9

De boo laa gai Paul ne hai dahi midi hagaago ange; ia ne gidee dahi dangada Macedonia e duu ma e dangidangi ange gi de ia ma e hai ange, “Humai gi Macedonia balea mai ai gimaadeu.”

Acts 17:3

ga hagadonu ange ma de hai gi iloo e gilaadeu bolo ne heohi donu de hagaduasala o Klisdo ma dono mouli age, ga hai ange, “Taane go Iesu aagu e tala adu nei ono dagodo gi goodou, go de Klisdo donu.”

Acts 18:28

Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 20:23

Gai deelaa donu huu, de Hagasaalunga Dabu ne hagaago mai gi de au i denga aduhale alodahi, bolo au e noodia naa ga hagaduasala.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Acts 9:22

Aagai a Saul gu hagadaga ange donu de mmahi, i de tala hagadonu bolo Iesu go de Klisdo, ma de hai ga dee mmuu de gau Ssuu e nnoho laa i Damascus.

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.

2 Corinthians 11:9

Gai de masavaa oogu ne duasala ai i dogu noho i oodou daha, gai au tee hagahai ngadaa donu dahi goodou, gai go denga daina ne loomai laa i Macedonia ne balea mai au i mee alodahi oogu ne duasala ai. Deenei ai, au ne hagamade donu i mua ma iainei gi dee hagahai ngadaa ina e au dahi goodou i dahi mee.

2 Corinthians 5:14

Go hiidinga de aloha o Klisdo e usuusu mai gimaadeu, i hiidinga gimaadeu gu iloo de mee nei: e dahi ne magau i hiidinga o dangada alodahi, deelaa ai, dangada alodahi gu maakau madali ia.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

1 Thessalonians 3:6

Iainei gai Timothy gu ahe mai donu ma gu dae mai gi omaadeu daha, gai ia gu tala mai dagodo o oodou kai aama oodou aaloha. Ia gu tala mai hogi bolo goodou goi manadua mai huu gimaadeu, ma de llodo mmao e tilo gimaadeu, bei demaadeu hai e llodo ai nei hogi e tilo goodou.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.