Acts 18:4 - De Beebaa Dabu

⁴ Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.

Acts 18:4 Iomraidhean Croise

Genesis 9:27

De Maadua gi hagalaumalie ina de vaaenga o Japheth, gai ia gi noho madali a Shem i lodo ono hale malo, gai Canaan gi se dangada hai hegau niio Japheth.”

2 Chronicles 32:11

Hezekiah e daahanga goodou, ia e dugu naa donu huu goodou gi maakau i doodou hiikai ma de hieunu, i dana hai adu gi goodou, ‘Tagi Maolunga taadeu Maadua e hagaola naa donu gidaadeu mai i de hodooligi o Assyria.’

Luke 16:31

Abraham ga hai ange gi de ia, ‘Noo gilaadeu e dee hagallongo muna a Moses ma denga pelaabisi, aagai gilaadeu e dee hagallongo naa hogi muna a dahi dangada gu mouli age laa mai i de magau.’ ”

Luke 4:16

Ia ne hano hogi gi Nazareth, go de mommee oona ne madua ai. Gai ia ne hano gi synagogue i de laangi o Sabbath, bei ana hegau e hai i de laa tubua. Gai ia ne duu age e dau de Beebaa Dabu,

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Acts 13:14

Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo.

Acts 14:1

De masavaa o Paul ma Barnabas e nnoho ai i Iconium, gai gilaau ne hulo gi lo te synagogue ga agoago hagammahi ai, gai de gau Ssuu ma de gau Greek soa gu hagadonusia hogi.

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Acts 17:17

Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua.

Acts 18:13

ga hai ange, “Taane nei ne usuusu ange dangada gi daumaha ange gi de Maadua i de hai e hai baasi ange gi de hainga.”

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Acts 19:8

Paul ne hano hogi gi de synagogue i e dolu malama, ga agoago ai i de lo taane ma de usuusu ange dangada i dagodo de nohoanga hodooligi o de Maadua.

Acts 26:28

Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

2 Corinthians 5:11

Deenei ai, go hiidinga demaadeu iloo dagodo de madagu i Tagi Maolunga, gimaadeu e usuusu ange dangada. Aagai de Maadua e iloo omaadeu dagodo, gai au e tali bolo goodou e tonu ange donu hogi omaadeu dagodo i tagi oodou lodo.