Acts 18:28 - De Beebaa Dabu

²⁸ Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.

Acts 18:28 Iomraidhean Croise

Luke 1:80

Aagai tama gauligi laa ne madua age gu se dangada e mmahi i de baasi gi de hagasaalunga. Gai ia ne noho i lodo henua ga dae ai gi de laangi ne daamada ai ana hegau i madamada o de gau Israel.

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

John 5:39

Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

Acts 17:3

ga hagadonu ange ma de hai gi iloo e gilaadeu bolo ne heohi donu de hagaduasala o Klisdo ma dono mouli age, ga hai ange, “Taane go Iesu aagu e tala adu nei ono dagodo gi goodou, go de Klisdo donu.”

Acts 18:25

Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 8:35

Gai a Philip ga daamada i de mommee aana ne dau laa, ga agoago ange ia i de longo danuaa o Iesu.

Acts 9:22

Aagai a Saul gu hagadaga ange donu de mmahi, i de tala hagadonu bolo Iesu go de Klisdo, ma de hai ga dee mmuu de gau Ssuu e nnoho laa i Damascus.