Acts 18:24 - De Beebaa Dabu

²⁴ Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Acts 18:24 Iomraidhean Croise

Ezra 7:12

“Mai i daho Artaxerxes, de hodooligi o denga hodooligi, ange gi Ezra, tangada haimeedabu, se dangada e agoago hainga a de Maadua o de langi.

Ezra 7:6

deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.

Exodus 4:10

Gai Moses ga hai ange gi Tagi Maolunga, “Dogu Ia Aamua, aude haihaia, au e dee maua i de basa i honga o dangada; mai i mua ga dae mai ai gi iainei i doo masavaa ne basa mai ai nei gi de au, doo dangada hai hegau. Au e dee maua i de basa ma de tala gi danuaa agu muna.”

Isaiah 3:3

ma tagi o tinolima daane hebagi, ma taane maolunga, ma taane hagasaele ma tangada heiangi i de hai huuhuaa mee, aama tangada hai helau.

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Luke 24:19

Ia ne ssili ange gi gilaau, “Ni aha gu hai?” Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi.

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 18:21

Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.

Acts 18:28

Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

Acts 27:6

Gai tagi o de lau ne gidee dahi vaga o Alexandria i kilaa gu baba ange e hano gi Italy, gai ia ga hai gimaadeu gi kage ange gi de vaga laa.

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

Acts 7:22

Gai Moses ne agoago i de heiangi alodahi o de gau Egypt, gai ana muna ma ana hegau e mmahi mmao.

1 Corinthians 1:12

gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,”  gai tangada ange laa e hagadaba, “Au e daudali ange gi Klisdo.”

1 Corinthians 16:12

Gai dagodo o taadeu daina go Apollos, au ne hagammahi ange ia gi hanadu gi oodou daha madali denga daina ange laa, aagai ia tigi lodo e hanadu iainei. Gai ia e hanadu naa donu i de masavaa e heohi ange ai.

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

2 Corinthians 10:10

Go hiidinga gilaadeu e hagataba, “Muna i lodo ana leda e daemaha ma de mmahi, gai de masavaa oona i odaadeu daha ai gai ia se dangada baageaa, gai ana muna e deai ono haigamaiana.”

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Titus 3:13

Gai koe bale ange Zenas, tangada hagamodu muna, ma Apollos gi moolau delaau hulo, ma de tilo ga hai gi odi ange danuaa olaau mee e hulo ai.