Acts 18:14 - De Beebaa Dabu

¹⁴ Aagai de masavaa huu o Paul ne daamada ai de basa, gai Gallio ga hai ange gi de gau Ssuu, “De gau Ssuu, noo goodou ne gaamai taane nei i hiidinga ana hegau dee heohi, aabe go dana oha de hainga, gai au e maua i de golomagi ogu lodo adu gi goodou;

Acts 18:14 Iomraidhean Croise

Matthew 5:2

gai ia ga daamada de agoago ange gilaadeu, ga hai ange:

Mark 9:19

Aagai Iesu ne basa ange ga hai ange gi gilaadeu, “Goodou se atangada e dee hagadonusia! Dee hee maa taulooloa dogu noho i oodou daha? Dee hee maa taulooloa de golomagi ogu lodo i goodou? Gaamai ia gi ogu daha!”

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Acts 13:18

Gai ia ne golomagi ono lodo i gilaadeu, i e madahaa ngadau i de vao.

Acts 21:39

Paul ne hai ange, “Au se dangada Ssuu mai i Tarsus i Cilicia, gai se dangada niio dahi aduhale dau. Au e dangidangi adu, dugua mai e basa ange au gi dangada.”

Acts 25:11

Gai noo au se dangada e haia de baubau, ma de hai dahi mee e heohi ai dogu daa gi magau, aagai au e dee ssala donu gi ola mai au i de magau. Aagai noo e dee se mee abodonu alaadeu e hagabaubau ai nei au, gai e deai donu se dangada e maua i de gaavange au gi gilaadeu. Au e dangidangi i de hagamodu ogu muna i mada i mua o Caesar.”

Acts 25:26

Aagai au tigi iloo donu dahi mee daudahi e heohi dagu sisi e hagabaubau ange ai ia gi de hodooligi. Deenei ai, au gu gaamai ia gi oodou mada i mua alodahi, aama mada i mua o de hodooligi go Agrippa, gi hanu ai agu mee e maua i de sisi i dua de hai ssiilingaa muna nei.

Romans 13:3

Go hiidinga denga dagi e dee se hai e hagamaatagu ai gilaadeu e haia tanuaa, aagai go gilaadeu e haia de baubau. Noo koe e lodo gi dee madagu goe i tangada iai ssauaa e dagi ai, gai koe haia tanuaa, gai ia ga tuhi ai naa goe.

2 Corinthians 11:1

Au e lodo goodou gi golomagi ina oodou lodo i de au, gai au ga basa adu bei dagodo o dahi dangada lodo senga. Goodou gi dee haihaia golomagi ina oodou lodo!

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

Hebrews 5:2

Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.