Acts 18:12 - De Beebaa Dabu

¹² Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna,

Acts 18:12 Iomraidhean Croise

Matthew 27:19

Gai de masavaa o Pilate ne noho ai i honga dono nohoanga hagamodu muna, gai dono bodu ne aalu mai, ga hai ange, “Aude haia ange dahi mee daudahi gi taane heohi naa, go hiidinga au gu kona dogu duasala anailaa nei i ono hiidinga, i dagu midi.”

John 19:13

Gai ga langona huu e Pilate muna laa, gai ia ga hagasao mai Iesu ma de noho i honga dono seaa hagamodu muna, i de mommee e hagaingoo ange go de Mommee e Hola i Hadu Malali (gai muna Aramaic go Gabbatha).

Acts 13:12

Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 13:7

Taane laa ne noho i daho Sergius Paulus, de goobenaa o de vaaenga laa, ia se daane iloo mee. Gai ia ne aalu mai Barnabas ma Saul gi loange, go hiidinga ia gu lodo e hagallongo muna a de Maadua.

Acts 13:8

Aagai Elymas taane hai huuhuaa mee (deenei dono ingoo i muna Greek) ne hai baasi ange gi gilaau ma de hagatale de hai de goobenaa gi dee hagadonusia.

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 17:13

Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Acts 17:5

Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa.

Acts 18:11

Gai ne dahi ngadau ma de bido o Paul ne noho ai i kilaa, ga agoago ange ai dangada i muna a de Maadua.

Acts 18:27

De masavaa huu o Apollos ne lodo ai e hano gi Achaia, gai denga daina ga hagammahi ange ia gi hano, ma de sisi ange dahi leda gi denga daina i Achaia, gilaadeu gi abodonu ange gi de ia. De masavaa o Apollos ne dae ai gi kilaa, gai ia ne bale danuaa ange gilaadeu gu hagadonusia i de abodonu e dohu ange laa gi gilaadeu.

Acts 19:21

Dua mee nei, gai Paul ne maanadu de hano laa Macedonia ma Achaia e hano ai gi Jerusalem. Ia ne hagadaba hogi, “Dua dogu hano gi kilaa, gai au e hano hogi gi dae gi Rome.”

Acts 25:10

Aagai a Paul ne hai ange, “Au gu duu donu i de mommee hagamodu muna o Caesar iainei, go de mommee e heohi de hagamodu ai ogu muna. Gai au tigi hai ange donu dahi baubau daudahi gi de gau Ssuu, bei dau hai e iloo ai naa.

Romans 15:26

De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem.

Romans 16:5

Dagu hagaboo ange gi de nohoanga dabu e daumaha laa i delaau hale. Dagu hagaboo ange gi dogu soa hagamogomogo go Epenetus, go taane ne hagadonusia Klisdo i Asia i taamada.

1 Corinthians 16:15

Denga daina, goodou gu iloo bolo go Stephanas ma dono huaabodu hugadoo ne hagadonusia i taamada i Achaia, gai ne kona mmao delaadeu bale ange dangada o de Maadua; au e hai adu gi goodou,

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

2 Corinthians 11:10

Go hiidinga de mee abodonu i dagodo o Klisdo e dagodo i ogu lodo, dagu tala tuhi nei e dee maua donu i tee tala i denga ungaamee o Achaia.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;

2 Corinthians 9:2

go hiidinga au e iloo bolo goodou gu paba ange donu e bale, gai au gu tuhi ange goodou gi de gau Macedonia, ma de tala ange, bolo denga daina i Achaia gu paba ange huu e daohi age de mee nei i de ngadau ne hano laa; gai doodou lodo mmahi gu hai gi soa dangada e llodo e bale.

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

James 2:6

Aagai goodou gu hagangadi mee tangada hagaau aloha. Gai e dee go de gau lava e vaivai haia naa goodou ma de gaavange goodou gi de hainga?