Acts 18:10 - De Beebaa Dabu

¹⁰ go hiidinga au e noho madali goe, gai e deai naa donu se dangada e maua i de hagammae aabe go de hagaduasala goe; go hiidinga e soa donu ogu dangada i de aduhale nei.”

Acts 18:10 Iomraidhean Croise

Exodus 4:12

Iainei gai koe hannoo, gai au e hano madali goe, ga tala adu gi de goe au muna alodahi e tala.”

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Isaiah 8:10

Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Matthew 10:30

Aagai denga ngaangaaulu i oodou biho e odi i de dau.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Luke 21:18

Gai e deai naa donu se ngaangaaulu daudahi e doo mai i oodou biho.

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

John 11:52

gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu.

Acts 15:14

Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada.

Acts 15:18

go mee gu iloo madagidagi loo.’

Acts 18:11

Gai ne dahi ngadau ma de bido o Paul ne noho ai i kilaa, ga agoago ange ai dangada i muna a de Maadua.

Acts 18:9

Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

2 Corinthians 12:9

Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

Joshua 1:5

Gai e deai naa donu se dangada e maua i de hai baasi adu gi de goe i taulooloa doo mouli. Gai au e noho madali goe bei dogu hai ne noho ai laa hogi i daho Moses, gai au e dee tili naa donu goe aabe hano gee mai i oo daha.

Joshua 1:9

E aha, au tee tala adu laa koe gi lodo mmahi ma de lo taane? Koe gi dee madagu aabe manavasaa oo lodo, go hiidinga Tagi Maolunga doo Maadua e noho madali goe i mommee alodahi oou e hano aagena.”

Judges 2:18

Gai de masavaa a Tagi Maolunga ne gaamai ai de gau hagamodu muna gi olaadeu daha, gai ia ne noho madali de gau hagamodu muna laa, aama de hagaola gilaadeu mai i lalo olaadeu hagadaumee alodahi, i de masavaa o tangada hagamodu muna laa e mouli ai. Gai Tagi Maolunga ne aloha i gilaadeu i delaadeu tangi i hiidinga delaadeu vaivai haia aama de hagaduasala ina.