Acts 17:6 - De Beebaa Dabu

⁶ Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei,

Acts 17:6 Iomraidhean Croise

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Luke 23:5

Aagai gilaadeu ga usuusu ange ia, ga hai ange, “Ia e hai gi hagahellumi dangada i Judea alodahi i ana agoago. Ia ne daamada de hai mee nei i Galilee, gai ia gu humai hogi gi kinei.”

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 17:10

Gai denga daina ne hagamoolau ga hai gi hulo a Paul ma Silas i de boo gi Berea. Gai ga tae huu gilaau gi kilaa, gai gilaau ga hulo hogi gi de synagogue o de gau Ssuu.

Acts 17:14

Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Acts 17:5

Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa.

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”