Acts 17:24 - De Beebaa Dabu

²⁴ De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

Acts 17:24 Iomraidhean Croise

Genesis 1:1

Taamada de hai a de Maadua de langi ma henua i lalo,

Genesis 14:19

Gai ia ne hagamanuuia Abram ga hagadaba, “De Maadua Maolunga Mmao laa e hagamanuuia Abram, go de ia ne haia de langi ma henua i lalo.

Genesis 14:22

Aagai Abram ga hai ange gi de hodooligi o Sodom, “Au gu hagatoo donu ange gi Tagi Maolunga, go de Maadua Maolunga Mmao laa, go de ia ne haia de langi ma henua i lalo,

1 Kings 8:27

Aagai e maua donu e de Maadua i de noho i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

2 Kings 19:15

Gai Hezekiah ga dalodalo ange gi Tagi Maolunga, ga hai ange, “Tagi Maolunga, de Maadua o Israel, e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

2 Chronicles 2:6

Aagai goai e maua i de hagaduu dahi hale e noho ai ia, go hiidinga de langi maolunga e dee dohu dono noho ai? Gai au e dee bau ange donu gi de hagaduu dahi hale e noho ai ia, aagai au e hagaduu donu huu dahi mommee e hai ai denga sigidaumaha i mada luoono mada.

2 Chronicles 6:18

Aagai e maua donu e de Maadua i de noho madali dangada i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Psalm 115:16

De langi niio Tagi Maolunga, aagai henua i lalo gu lava i dana gaavange gi dangada.

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Psalm 148:13

Mee nei alodahi gi duuhia de ingoo o Tagi Maolunga, i hiidinga go dono ingoo donu huu e heohi de hagaamua; dono mahamaha e maolunga ange i henua i lalo ma de langi.

Psalm 24:1

Henua i lalo ma mee alodahi iai nii Tagi Maolunga, ma honga henua ma dangada alodahi e nnoho ai;

Isaiah 40:12

Goai gu hagabaulia denga vai i lo tono lima, aabe go de maaga de lahalaha o lo te langi? Gai goai gu daohia denga gelegele o henua i lalo i lo te gede, aabe go de hagahidi denga mounga i denga mee hagahidi, ma de hagahidi denga duuduu?

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Jeremiah 10:11

Gai goodou hai ange gi gilaadeu: “E dee go denga diinonga ne haia de langi ma henua i lalo, gai gilaadeu e hai naa ga llilo i honga de henua ma lalo de langi.”

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Jeremiah 32:17

Dogu Ia Aamua go Iahweh, koe ne hai de langi ma henua i lalo i doo sauaa laumalie ma doo lima mmahi. Gai e deai donu se mee daudahi e hai ngadaa adu gi de goe.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Malachi 2:10

E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 5:34

Aagai au e hai adu gi goodou, goodou e dee hai donu dahi hagatoo donu soe; e dee hilihili be e hai i de langi, i hiidinga go de mommee iai de nohoanga o de Maadua;

Luke 10:21

De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

John 1:1

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Acts 4:24

Aagai ga langona huu e olaau soa muna laa, gai gilaadeu ga dalodalo ange gi de Maadua i de lodo daudahi, ga hai ange: “Tagi Maolunga, go koe ne haia de langi ma henua i lalo, ma tai aama mee alodahi iai,

Acts 7:48

Gai de Ia Maolunga Mmao laa e dee noho i hale a dangada e hagatuu, bei de hai a de pelaabisi gu tala ai laa,

Romans 1:19

Gilaadeu gu iloo donu dagodo o de Maadua gu lava laa i de hagaago mai, go hiidinga de Maadua gu lava donu i de hagaago ange gi gilaadeu.

Deuteronomy 10:14

Goodou gi tonu iho bolo niio Tagi Maolunga doodou Maadua, de langi ma henua i lalo ma mee alodahi iai.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 3:4

(Go hiidinga hale alodahi ne hagatuu i daho dahi labagau, aagai go de Maadua ne hagatuulia mee alodahi.)

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.