Acts 17:20 - De Beebaa Dabu

²⁰ Go hiidinga gimaadeu gu langona hanu mee hoou i oo daha, gai gimaadeu e llodo gi iloo e gimaadeu hagadoonunga o mee naa.”

Acts 17:20 Iomraidhean Croise

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

Hosea 8:12

Au ne sisi ange gi gilaadeu mee lagolago i dagodo agu hainga, aagai gilaadeu ne hai hainga nei bei ni mee gee.

1 Corinthians 1:18

Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa.

Hebrews 5:11

Gai e lagolago ange amaadeu mee e llodo e tala adu i dagodo o de mee nei, aagai e hai ngadaa i de hagadonu adu gi goodou, go hiidinga goodou ni dangada e ago ngadaa.

Acts 10:17

Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon.

Acts 2:12

Gai gilaadeu alodahi gu llele mouli ma de ssenga ange, ga hagadau ssili ga hagataba, “Dee hee de hagadoonunga o mee nei?”

John 6:60

Gai ga langona huu e denga dangada agoago soa muna nei, gai gilaadeu ga hagataba, “Ni muna hai ngadaa aanei. Goai e maua i de kave?”

Mark 9:10

Gai ana dangada agoago ne daohi mee laa i olaadeu lodo, ma de hagadau ssili be dee hee de hagadoonunga o de mouli age mai i de magau.

Acts 17:19

Gai gilaadeu ga poo ia ga kave gi de mommee hagabuni o de hagabuulinga hagasaele, go de Areopagus, ga hai ange, “Gimaadeu e llodo gi iloo e gimaadeu dagodo o denga mee hoou oou e agoago ai naa.

Acts 17:21

(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)