Acts 16:35 - De Beebaa Dabu

³⁵ Gai taiao age huu, gai dagi o de aduhale ga hai gi hulo hanu daane gi daho tangada hagaloosi gi hai ange, “Dugua luu daane naa gi hulo.”

Acts 16:35 Iomraidhean Croise

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Acts 16:36

Gai taane hagaloosi o de hale pono ga tala ange muna laa gi a Paul, ga hai ange, “Dagi o de aduhale gu aalu mai bolo gi dugua gooluu gi hulo, deenei ai, gooluu ssao hulo, gai de baba gi dagodo i ooluu daha.”

Acts 16:38

Gai denga daane laa ga hulo ga tala ange muna laa gi denga dagi o de aduhale. Gai ga langona huu e gilaadeu bolo a Paul ma Silas ni dangada Rome, gai gilaadeu gu maatagu mmao.

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Acts 5:40

Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.

Joshua 4:17

Gai Joshua ne hai ange gi de gau haimeedabu, “Goodou ea age mai i lo te saalingaa vai go Jordan.”