Acts 16:29 - De Beebaa Dabu

²⁹ Gai taane laa ga hagahi gi gaamai dahi laama, gai ia ga ulu gi lodo gu bolebole ma de madagu ga duuduli ga ino gi lalo i mada i mua o Paul ma Silas,

Acts 16:29 Iomraidhean Croise

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 99:1

Go Tagi Maolunga e hodooligi, denga huaadangada gi bolebole; ia e noho i magavaa luu cherubim; henua i lalo gi ngalungalue.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Daniel 6:26

Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Acts 16:19

Aagai de masavaa huu a ono dangada aamua ne gidee ai bolo gu deai se mee e hai ai gi lagolago alaadeu sseene, gai gilaadeu ga poo a Paul ma Silas ga dada gi mada i mua o denga dagi i de mommee e hagabuni ai dangada;

Acts 16:28

Gai Paul ne basa ange gi de ia i de leo laumalie, ga hai ange, “Aude hagalagohia ina goe! Go hiidinga gimaadeu alodahi e nnoho i kinei!”

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.