Acts 15:7 - De Beebaa Dabu

⁷ Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 15:7 Iomraidhean Croise

Exodus 4:12

Iainei gai koe hannoo, gai au e hano madali goe, ga tala adu gi de goe au muna alodahi e tala.”

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 3:27

Gai a John ne basa ange ga hai ange, “E deai donu se mee a tangada e maua i de kave, noo e dee gaavange gi de ia mai i de langi.

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

Acts 10:19

Gai de masavaa a Peter e maanadu ai dagodo o de midi laa, aagai de Hagasaalunga ⌊Dabu⌋ ga hai ange gi de ia, “E dogodolu daane gu loomai e ssala goe.

Acts 10:20

Hidi age iho gi lalo, gai koe aude manavasaa i de hano madali gilaadeu, i hiidinga go au donu ne haia gilaadeu gi loomai.”

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 15:14

Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada.

Acts 15:2

Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa.

Acts 15:39

Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus,

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 21:16

Gai hanu dangada agoago mai i Caesarea ne loomai madali gimaadeu gi de hale o Mnason, go de mommee omaadeu ne nnoho ai. Mnason se daina mai i Cyprus ne hagadonusia i taamada age.

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

Acts 4:25

koe gu tala i daho demaadeu damana madagidagi, go doo dangada hai hegau go David i ssauaa o de Hagasaalunga Dabu, ‘Gu aha gu kona ai nei de llili o denga Gentile, gai dangada gu hagasaele de hai dahi hegau dee haigamaiana?

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Philippians 2:14

Goodou haia mee alodahi i tee nnanu aabe go de hagadaumee,