Acts 15:40 - De Beebaa Dabu

⁴⁰ aagai a Paul ne hili Silas ga kave madali ia. Gai ia ne dalodalo ga dugu ange denga daina gi de abodonu o Tagi Maolunga.

Acts 15:40 Iomraidhean Croise

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 13:3

Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.

Acts 14:26

Gai gilaau ne maalanga mai i kilaa ga ahe gi Antioch, go de mommee alaadeu ne dugu ange ai gilaau gi de abodonu o de Maadua, ange gi de hegau alaau gu lava laa i de hai.

Acts 15:22

Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina,

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 16:19

Aagai de masavaa huu a ono dangada aamua ne gidee ai bolo gu deai se mee e hai ai gi lagolago alaadeu sseene, gai gilaadeu ga poo a Paul ma Silas ga dada gi mada i mua o denga dagi i de mommee e hagabuni ai dangada;

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

2 Corinthians 13:14

De abodonu o Iesu Klisdo Tagi Maolunga, ma de aloha o de Maadua, aama de nnoho hagabuni mai i daho de Hagasaalunga Dabu gi dagodo i oodou daha alodahi.

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

Titus 3:15

Dangada alodahi madali au e gaavadu hogi delaadeu hagaboo gi de goe. Demaadeu hagaboo ange gi gilaadeu alodahi e aaloha i gimaadeu i de gai. De abodonu ⌊o de Maadua⌋ gi dagodo i oodou daha alodahi.