Acts 15:20 - De Beebaa Dabu

²⁰ Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Acts 15:20 Iomraidhean Croise

Genesis 35:2

Gai Jacob ne hai ange gi dono huaabodu, ma dangada alodahi madali ia, “Goodou dilia denga diinonga i oodou daha naa, ma de hagagilimalali goodou ga sui oodou malo.

Genesis 9:4

Aagai goodou e dee gai donu kano iai de mouli, e bei go kano go iai ono dodo.

Exodus 20:23

Goodou aude haia hanu diinonga i ogu gaogao; goodou e dee hai hanu diinonga i selevaa aabe ni goolo.

Ezekiel 33:25

Deenei ai, hai ange gi gilaadeu, ‘E hagadaba de Ia Aamua go Iahweh: Go hiidinga goodou gu gai kano iai dodo, ma de duudagi de daumaha ange gi oodou diinonga, aama de daa gi maakau dangada, gai e heohi ai naa doodou henua i de henua?

Ezekiel 4:14

Gai au ne hai ange, “Dogu Ia Aamua go Iahweh! Tilo, au tigi gai donu hanu mee e hai ai gi hakino gee au. Mai i dogu gauligi ga dae mai ai gi iainei, gai au tigi gai donu hanu manu maakau, aabe ni manu dolodolo ne daia ga maakau i hanu manu alasala. Tigi ai hogi giidagi dee gilimalali ne hhao gi lo togu ngudu.”

Daniel 1:8

Aagai Daniel ne baba dana maanadu bolo ia e dee hai gi hakino gee ia, i dana gai ma de unu uvaini a de hodooligi. Deelaa ai, ia ne dangidangi ange gi tagi o denga eunuch, gi dugua ange ia gi maua i tee gai mee e haia ga hakino gee ia.

Leviticus 18:6

Gai e deai donu se goodou e dagodo haisala madali dono dangada donu. Go au donu go Iahweh.

Leviticus 19:26

Goodou e dee gai kano manu iai dodo. Goodou e dee hai buubuu e tala i mee e dee iloo, aabe e hai denga huuhuaa mee.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Numbers 25:2

Denga haahine laa ne gauna ange de huaadangada gi denga daonga e hai ai laa denga sigidaumaha ange ai gi olaadeu diinonga, gai de gau Israel ga gaimee madali gilaadeu, ma de daumaha ange gi olaadeu diinonga.

Acts 15:29

goodou gi dee gaina gai gu sigidaumaha ange gi denga diinonga, ma dodo, ma manu gu milo laa olaadeu ua, aama tee dagodo haisala. Noo goodou e daohi goodou i mee nei, gai gu danuaa. Danuaa loo goodou!”

Acts 21:25

Aagai gimaadeu gu sisi ingoo o denga Gentile gu hagadonusia laa, ma de hai ange gilaadeu gi dee gaina mee gu sigidaumaha ange gi denga diinonga, ma dodo, aama manu gu milo olaadeu ua, gai gilaadeu gi dee dagodo haisala hogi.”

1 Corinthians 5:11

Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

1 Corinthians 6:13

“Denga gai se hai e hhao gi lo te dinae, gai tinae ne hai e hhao ai denga gai,” aagai de Maadua e oha naa donu luu mee nei ngaadahi. De angaanga e dee se mee ange gi denga dahulinga dagodo haisala, aagai se mee ange gi Tagi Maolunga, gai Tagi Maolunga ange gi de angaanga.

1 Corinthians 6:18

Goodou saavini hulo gee i denga dahulinga dagodo haisala. Haisala ange laa e hai i tua de angaanga, aagai denga dahulinga hai be se manu e hai baasi ange donu gi de angaanga o tangada.

1 Corinthians 6:9

Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,

1 Corinthians 7:2

Aagai go hiidinga gu kona de dagodo haisala o dangada, deelaa ai, taane gi haia donu gi dahi ono bodu, gai de hine gi haia hogi gi dahi ono bodu.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Galatians 5:19

Gai hegau baubau o de angaanga e iloo danuaa donu: go de dagodo haisala, ma dahulinga hakino gee, ma de hai be se manu,

Ephesians 5:3

Aagai gi deai donu se dangada hai be se manu i oodou magavaa, be se dangada dahulinga hakino gee daudahi, aabe go de nnoo hagamau mee; go hiidinga mee nei e dee heohi ange donu gi dangada o de Maadua.

Deuteronomy 12:16

Goodou e dee gai donu dodo; gai liingia gi honga de gelegele bei vai.

Deuteronomy 14:21

Gai goodou e dee gai manu gu maakau, go hiidinga goodou ni dangada gu hagadabu ange gi Tagi Maolunga doodou Maadua. Gai goodou gaavange e gai de gau henua gee e nnoho i lodo oodou aduhale, aabe e hagao ange gi dahi dangada henua gee ange laa. Gai goodou aude boale ina dahi guudi gauligi i lodo vai uu o dono dinana.

Deuteronomy 15:23

Aagai goodou e dee gai dodo, gai liingia gi honga de gelegele bei denga vai.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

1 Thessalonians 4:3

Gai aanei lodo o de Maadua, go doodou hai gi dabu goodou, goodou dilia de hai be se manu,

Hebrews 12:16

Diiloo gi deai se goodou e hai be se manu aabe e hagangadi mee ina denga mee dabu, bei dagodo o Esau; ia ne hagao dahi gumedi gai, i de boolonga o tama madua.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

1 Peter 4:3

Gu odi de masavaa e hai hegau ai bei denga Gentile — go de hai denga dahulinga baubau, ma lodo o de angaanga, ma de unu gi senga, ma de hai daonga e unu ai ga ssenga dangada ma de hagalongaa, aama de daumaha ange gi denga diinonga hakino gee.

Revelation 10:2

Gai ia e daohi dahi damaa beebaa mulo i dono lima, gai de beebaa laa e mahuge. Dono vae madau e duu i honga tai, gai dono vae masui i honga de henua.

Revelation 10:8

Gai de leo aagu ne langona laa e humai i de langi i mua, ne basa mai ange hogi gi de au, ga hai mai, “Hannoo gaavee de beebaa mulo e hhuge laa ma e dagodo i lo te lima o tangada de langi e duu laa i honga tai ma honga de henua.”

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

1 Samuel 14:32

Gai dangada ne hagamoolau ga hulo, gi de mommee iai goloa ne maua mai i de hebagi, gai gilaadeu ga kave hanu ssiibi ma kaau aama hanu kaau gauligi, ga daa i honga de gelegele i kilaa ga gai mada madali denga dodo.

1 Samuel 14:33

Gai hanu ne tala ange gi a Saul, ga hai ange, “Tilo, denga daane gu haisala ange gi Tagi Maolunga i delaadeu gai kano mada iai dodo.” Saul ne hai ange, “Goodou tee hai hegau i de mee abodonu. Hagadigelia mai dahi hadu laumalie gi kinei.”