Acts 15:18 - De Beebaa Dabu

¹⁸ go mee gu iloo madagidagi loo.’

Acts 15:18 Iomraidhean Croise

Isaiah 44:7

Goai e bei ogu dagodo? Gai ia gi hagailoo ina. Ia gi daalaa ma de hagaagona mai gi de au be ni aha ne hai i mua dagu hai denga huaadangada madagidagi, gai aahee mee tigi loomai; gilaadeu gi daalaa mee e loomai.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Amos 9:12

Gai gilaadeu e kave naa mommee e doe i Edom aama huaahenua alodahi e hagaingoo i dogu ingoo, go Tagi Maolunga e hagadaba, go de ia e hagasula ina de mee nei.

Zechariah 14:7

Gai de laangi laa e dagodo gee naa donu — go Tagi Maolunga donu huu e iloo dagodo o de laangi laa — de laangi ma de boo se dagodo daudahi donu huu. De ahiahi e maalama donu hogi.

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Matthew 13:35

Ia ne hai mee nei e hagassula ai mee gu tala laa i daho de pelaabisi e hai ange, “Au e basa naa i denga mee hagasengasenga; au e tala naa mee e dee iloo laa mai i taamada age o henua i lalo.”

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

Ephesians 3:9

ma de hai gi iloo e dangada alodahi de hagatau a de Maadua nogo dee iloo laa i denga masavaa gu hulo, go de ia ne haia mee alodahi,

2 Thessalonians 2:13

Gimaadeu e hagaahe ange de abodonu gi de Maadua i masavaa alodahi i oodou hiidinga, denga daina o Tagi Maolunga e aloha ai laa, go hiidinga mai i taamada age gai de Maadua ne hili goodou gi hagamouli ga vvae gee goodou i ssauaa o de Hagasaalunga ⌊Dabu⌋, aama doodou hagadonu de mee abodonu.

1 Peter 1:20

De Maadua ne hili ia i mua de hai henua i lalo, aagai gu hagaago mai ia i denga laangi hagaodi nei i oodou hiidinga.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.