Acts 13:5 - De Beebaa Dabu

⁵ Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.

Acts 13:5 Iomraidhean Croise

1 Kings 19:21

Gai Elisha ne dugu Elijah, gai ia ga ahe ga daa luu kaau laa, ga hai de ahi i laagau hagahai hegau nogo noonoa ange laa gi denga kaau laa, ga boale ai kano o luu manu laa, ga duha ange gi dangada ga gaimee ai gilaadeu. Gai ia ga hano ga daudali ange i Elijah, ga hai hegau ange gi de ia.

1 Kings 19:3

Gai Elijah gu madagu ga savini ga hano. Gai de masavaa oona ne hano ai ga dae gi Beersheba o Judah, gai ia ne dugu dono dangada hai hegau i kilaa,

2 Kings 3:11

Gai Jehoshaphat ga ssili ange, “E dahi nei pelaabisi o Tagi Maolunga i kinei, adaadeu e maua ai i de ssili gi iloo lodo o Tagi Maolunga i ono daha?” Gai dahi dagi o denga daane o de hodooligi o Israel ne hai ange, “Elisha, tama daane a Shaphat i kinei. Go ia taane nogo liingia ange vai gi luu lima o Elijah.”

Exodus 24:13

Gai Moses ma Joshua, dono dangada bale ne loage gi de mounga, gai go Moses donu huu ne hanage ga dae gi ulu de mounga o de Maadua.

Matthew 20:26

Aagai goodou e dee hai hegau bee nei i oodou magavaa. Aagai be goai e lodo gi maolunga ia i oodou magavaa, gai ia gi se dangada hai hegau niiodou,

Acts 12:12

Gai de masavaa huu a Peter ne donu ange ai gi mee gu hai laa, gai ia ga hano gi de hale o Mary, tinana o John, e hagaingoo ange laa hogi go Mark. Go kilaa e hagabuni ai dangada soa ma e dalodalo.

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Acts 13:14

Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 14:1

De masavaa o Paul ma Barnabas e nnoho ai i Iconium, gai gilaau ne hulo gi lo te synagogue ga agoago hagammahi ai, gai de gau Ssuu ma de gau Greek soa gu hagadonusia hogi.

Acts 15:37

Gai Barnabas ne lodo hogi e kave a John Mark madali gilaau,

Acts 17:17

Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua.

Acts 18:4

Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.

Acts 19:22

Gai ia ne hai gi hulo e dogolua daane e balea ange ia, go Timothy ma Erastus, gi Macedonia. Aagai ia ne noho i Asia i dahi damaa masavaa.

Acts 19:29

Gai de aduhale laa alodahi gu hellumi, gai dangada ga poo Gaius ma Aristarchus, luu daane Macedonia madali a Paul, ga tagi gilaadeu ga saavini ai gi de mommee e tilo ai hagadaahao,

Acts 19:8

Paul ne hano hogi gi de synagogue i e dolu malama, ga agoago ai i de lo taane ma de usuusu ange dangada i dagodo de nohoanga hodooligi o de Maadua.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Colossians 4:10

Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

2 Timothy 4:11

Go Luke donu huu i ogu daha. Gai koe gaamai hogi a Mark madali goe, go hiidinga ia e haigamaiana mai donu gi de au.